Prezident Rasii Uładzimir Pucin padpisaŭ 5 listapada zakon, jaki zabaraniaje prapahandu ci publičnuju demanstracyju simvoliki «arhanizacyj, jakija supracoŭničali z fašystami».
Aficyjnaja farmuloŭka ŭ zakonie hučyć takim čynam: «Zabaraniajecca prapahanda ci publičnaja demanstracyja atrybutyki ci simvoliki arhanizacyj, jakija supracoŭničali z hrupami, arhanizacyjami, ruchami ci asobami, pryznanymi złačynnymi ci vinavatymi ŭ złačynstvach u adpaviednaści z prysudam Mižnarodnaha vajennaha trybunału (Niurnbierhskaha trybunała».
Zakon praduhledžvaje, što budzie isnavać śpis adpaviednych arhanizacyj, simvolika jakich zabaraniajecca, adnak zaraz takoha śpisu niama.
Takim čynam, zhodna ź litaraj zakona, pad zabaronu moža trapić i sučasny rasijski ściah, jaki vykarystoŭvaŭsia Rasijskaj vyzvolnaj armijaj hienierała Ułasava, i sučasny vajenna-marski ściah Rasii (Andrejeŭski ściah), jaki taksama vykarystoŭvaŭsia «ŭłasaŭcami».
Pad zabaronu farmalna traplajuć navat tak zvanyja «hieorhijeŭskija» stužki, jakija ŭ spačatku prapahandavalisia ŭ RF jak simvał «pieramohi savieckaha narodu u Vialikaj ajčynnaj vajnie», a potym stali znakam adroźnieńnia dla prarasijskich palityčnych ruchaŭ i bajevikoŭ.
Stužka rasijskaha ordena sv.Hieorhija šyroka vykarystoŭvałasia stvoranym pry niamieckaj akupacyi Sajuzam rasijskaj moładzi.
Naŭrad ci sučasnyja rasiejskija ŭłady buduć vykarystoŭvać novyja praviły abjektyŭna. Chutčej za ŭsio zakon budzie vykarystoŭvacca vyklučna suprać tych arhanizacyj i simvałaŭ, jakija ŭ Kramli buduć ličycca palityčna niazručnymi.
-
Čynoŭnikam Jeŭrasajuza, jakija adpraŭlajucca ŭ ZŠA, vydajuć adnarazovyja telefony praz bojaź špijanažu
-
«Zrabili absalutna žachlivuju pracu». Tramp znoŭ abvinavaciŭ u pačatku vajny va Ukrainie Zialenskaha i Bajdena
-
Jeŭrapiejskija kampanii z-za palityki Trampa mohuć viarnucca da supracoŭnictva z «Hazpramam»
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary