president.gov.by
Narada pa aktualnych ekanamičnych pytańniach z udziełam Alaksandra Łukašenki zapłanavana na 11 listapada, paviedamili BiełaPAN niekalki infarmavanych krynic.
Ab tym, što nieŭzabavie projdzie narada, na jakoj budzie zasłuchana spravazdača ŭrada ab pracy ekanomiki ŭ hetym hodzie i razhledžany asnoŭnyja prahnoznyja dakumienty na 2015 hod, Łukašenka paviedamiŭ 5 listapada padčas rabočaj pajezdki ŭ Mahiloŭskuju vobłaść. Adnak data narady nie nazyvałasia.
Miarkujecca, što 11 listapada buduć padviedzieny vyniki vykanańnia najvažniejšych paramietraŭ prahnozu sacyjalna-ekanamičnaha raźvićcia, a taksama abmierkavany prajekty prahnozu sacyjalna-ekanamičnaha raźvićcia na 2015 hod, Asnoŭnych kirunkaŭ hrašova-kredtnaj palityki i prajekta biudžetu.
Čakajecca, što paśla narady prahnoznyja dakumienty buduć dapracavany z ulikam daručeńniaŭ prezidenta i ŭ kancy listapada pastupiać na razhlad u parłamient.