Krama cudaŭ (Mr. Magorium's Wonder Emporium)
ZŠA, 2007, kalarovy, 94 chv.
Režyser: Zak Hełm
Roli vykonvajuć: Dastyn Chofman, Natali Partman, Džejsan Bejtman, Majk Ryłba, Džonatan Pots
Žanr: Kazka
Adznaka: 4 (z 10)
Trochsothadovy uładalnik čaroŭnaj kramy mister Mahoryŭm (Dastyn Chofman) źbirajecca adyści ad spraŭ i pakinuć hety śviet. Svaju čaroŭnuju kramu ekscentryčny “impresarya cacak i amatar abutku” pakidaje svajoj kasircy (Natali Portman), čamu taja supraciŭlajecca. Ale ŭ kampanii z zanudnym buchhałtaram, jaki pavieryć nievierahodnaje i 9-hadovaha chłopčyka, jaki znojdzie siabroŭ – hierainia prystasujecca da novaj ułasnaści.
Stužka Zaka Hełma, jakuju najmysna vypuścili naprykancy hodu – heta imitacyja Kaladnaj kazki. U Kaladnych kazkach hieroi – nakonadni Rastva Chrystova – rabili dobryja ŭčynki, źmiłažalvalisia nad biednymi j niabohami, daravali kryŭdy, vypraŭlali žyćcio i vučylisia lubić sercam.
U karcinie Zaka Hełma niama dabryni i kryŭdy, biednaści i lubovi. Jość lohki treninh dla kasirak-menedžerak i nieabaviazkovyja atrakcyjony dla “spažyŭcoŭ” filmu.
Naiŭnaje abłavuchaje dzicia, kalarovy dom z cudami, Natali Portman ŭ prastracyi i buchhałtar pa mianušcy mutant, jaki tak i nia vyrašyŭ da kanca filmu, lubić jon hierainiu, ci nie.
Dastyn Chofman zdolny raskviecić bliskučaj aktorskaj hulnioj i telefonnuju knihu, ad jahonaj frazy: “Siońnia daju kancert u pałacie varjataŭ” – ad śmiechu pakociśsia, ale, sapraŭdy, soramna. Lepiej nie marnavać hrošaj – i pakazać svaim dzieciam “Inšaplanetnika” Styvena Śpiłberha.
Tam dabrynia nie padroblenaja.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary