Kacha Biendukidze byŭ samym paśpiachovym ideołaham libieralnych reformaŭ na postsavieckaj prastory.
U 90-ch Kacha Biendukidze atrymaŭ viadomaść jak adzin z samych jarkich rasijskich aliharchaŭ. Pryvatyzavaŭ «Urałmaš», zatym stvaryŭ chołdynh «Abjadnanyja mašynabudaŭničyja zavody», źjaŭlaŭsia vice-prezidentam RSPP — i ličyŭsia adnym z samych pałymianych prychilnikaŭ radykalnych libieralnych reformaŭ rasijskaj ekanomiki.
Nieŭzabavie paśla «revalucyi ružaŭ» u Hruzii Kacha Biendukidze pradaŭ ŭvieś biznes u Rasii i źjechaŭ u Tbilisi. Jaho adjezd supaŭ z pačatkam spravy «JUKASa» i aryštam Michaiła Chadarkoŭskaha. Pavodle jaho słoŭ, jon zrazumieŭ, što bolš reformaŭ u Rasii nie budzie, i praciahvać biznes nie maje sensu.
Mienavita Kacha Biendukidze źjaŭlaŭsia architektaram ŭsich samych važnych ekanamičnych reformaŭ, jakija byli praviedzieny ŭ Hruzii ŭ pačatku praŭleńnia Michaiła Saakašvili, Biendukidze možna ličyć baćkam «hruzinskaha ekanamičnaha cudu».
Jon zastavaŭsia mazhavym centram kamandy Saakašvili niezaležna ad taho, jakuju pasadu jon zajmaŭ — spačatku jon byŭ ministram ekanomiki, potym ministram pa kaardynacyi ekanamičnych reformaŭ, potym kiraŭnikom kancylaryi ŭrada. Hruzinskija ŚMI nazyvali jaho šerym kardynałam ŭrada, jon ža kazaŭ, što nie maje na ŭrad nijakaha ŭpłyvu — prosta ministry prymajuć usie rašeńni, kali źbirajucca ŭ jaho abiedać.
Kacha Biendukidze źjaŭlaŭsia samym upłyvovym i pierakananym prychilnikam libiertaraanskaj ideałohii na postsavieckaj prastory i prapahandavaŭ źnižeńnie ŭmiašańnia dziaržavy ŭ ekanomiku, maksimalnuju pryvatyzacyju: až da pryvatnych sudoŭ i pryvatnaj armii.
Paśla adstaŭki z urada jon staŭ inviestavać u adukacyju, stvaryŭ Svabodny univiersitet u Tbilisi i ŭdzielničaŭ u šmatlikich adukacyjnych prahramach jak u Hruzii, tak i za jaje miežami.
Na staroncy Biendukidze ŭ fejsbuku ŭžo ŭ pieršyja chviliny paśla viestki ab jaho śmierci źjaviłasia niekalki tysiač zapisaŭ sa spačuvańniami ad jaho studentaŭ.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary