Sieparatysty chočuć spynić kamunikacyju pamiž abaroncami Danieckaha aeraporta i asnoŭnymi siłami ŭkrainskaj armii, paviedamlajuć u pres-centry ATA ranicaj 14 listapada.
«Sprabujučy ŭstanavić kantrol nad Danieckim aeraportam bajeviki zasiarodzili svaje dziejańni na sprobach źniščyć kamunikacyju pamiž abaroncami hetaha stratehičnaha abjekta i asnoŭnymi siłami ATA. Za noč bajeviki nieadnarazova viali minamiotnyja abstreły aeraporta i našych pazicyj u nasielenym punkty Piaski», — havorycca ŭ paviedamleńni štaba antyterarystyčnaj apieracyi.
Tam dadajuć, što napiaredadni ŭviečary była čarhovaja sproba šturmu aeraporta, jakuju ŭkrainskija bajcy adbili i zachavali kantrol nad abjektam.
Praciahvajucca abstreły ŭkrainskich pazicyj na Debalcaŭskim płacdarmie: «Unačy bajeviki viali artyleryjskija i minamiotnyja abstreły ŭ rajonie Nikišyna, Miusa i Čarnuchina», — havorycca ŭ paviedamleńni ATA.
U pres-centry taksama dadajuć, što situacyja na poŭdni zony ATA ŭ rajonie Maryŭpala «stabilnaja i kantralavanaja».
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary