Klijentaŭ dziaŭčyna šukała ŭ sacyjalnych sietkach, dzie pisała pad vydumanym imiem i prykryvałasia darosłymi fota.
Apieratyŭniki Hrodzienskaha RAUS padčas manitorynhu internetu źviarnuli ŭvahu na niekalki prapanoŭ intymnych pasłuh. Bolšaść abviestak padavałasia ŭ zavualavanaj formie. Asablivuju ŭvahu apieratyŭnikaŭ pryvabiła ankieta dziaŭčyny, jakaja adkryta prapanoŭvała: «Zajmusia seksam. Płatnyja pasłuhi. Pišycie — nie paškadujecie».
Pa słovach načalnika adździaleńnia pa narkakantroli i supraćdziejańni handlu ludźmi Hrodzienskaha RAUS Jaŭhien Vańkova, svaje pasłuhi dziaŭčyna aceńvała ŭ 50 dalaraŭ za hadzinu.
Apieratyŭniki pačali ź dziaŭčynaj pierapisku pad vyhladam klijenta. Joj pryznačyli sustreču. Zvonku dziaŭčyna vyhladała darosłaj.
Kali ž jana była hatovaja prystupić da spravy, apieratyŭniki pakazali paśviedčańnie.
Tady i vyjaviłasia, što pierad pravaachoŭnikami — niepaŭnaletniaja.
Zakanadaŭstva nie dazvalaje jaje pryciahnuć da adkaznaści, bo joj niama jašče 16 hadoŭ. Dziaŭčynie pahražaje tolki ŭlik u inśpiekcyi pa spravach niepaŭnaletnich. Darečy, raniej jaje ŭžo stavili na ŭlik za badziažnictva.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary