Sudździa Natalla Kraškina prysudziła Artura Fińkieviča da 1,5 hodu kalonii ahulnaha režymu. Prysutnyja sustreli prysud słovami "Hańba!" i "Artur, my z taboj". Pakarańnie jon budzie adbyvać adzin hod šeść miesiacaŭ i piatnaccać dzion (15 dzion jon nie adsiedzieŭ za hrafici). Termin pačynajecca adličvajecca ad 26 kastryčnika. Ciaham 10 dzion rašeńnie možna abskardzić u abłasnym sudzie, u advarotnym vypadku A. Fińkievič budzie etapavany ŭ turmu.
Sudździa Natalla Kraškina prysudziła Artura Fińkieviča da 1,5 hodu kalonii ahulnaha režymu. Prysutnyja sustreli prysud słovami "Hańba!" i "Artur, my z taboj". Pakarańnie jon budzie adbyvać adzin hod šeść miesiacaŭ i piatnaccać dzion (15 dzion jon nie adsiedzieŭ za hrafici). Termin pačynajecca adličvajecca ad 26 kastryčnika. Ciaham 10 dzion rašeńnie možna abskardzić u abłasnym sudzie, u advarotnym vypadku A. Fińkievič budzie etapavany ŭ turmu.
Siońnia ŭ 10.38 u mahiloŭskim haradzkim sudzie (vuł. Dabralubava, 2) adbyŭsia razhlad kryminalnaj spravy ŭ dačynieńni da Artura Fińkieviča. Chłopcu pradjaŭlena abvinavačańnie ŭ art. 415 KK (uchileńnie ad adbyćcia pakarańnia). Pavodle hetaha artykułu jamu pahražaje da troch hadoŭ źniavoleńnia.
Padtrymać Artura pryjechali šmatlikija siabry i paplečniki, Alaksandar Milinkievič, Ina Kulej, dyplamaty. Nia ŭsie achvotnyja zmahli patrapić u zalu, pieršymi ŭ jakuju zapuścili studentaŭ instytutu pravaznaŭstva.
10.40 Fińkievič znachodzicca ŭ hladackaj zali, a nia ŭ kletcy dla padsudnych. Z vulicy čuvać vokličy “Žyvie Biełaruś!”
10.50 U pracesie abjaŭleny pierapynak. Fińkievič zajaviŭ, što siońnia i ŭčora ŭ jaho pavyšany cisk i balić serca. Medyki ź dziažurnaj chutkaj dapamohi ŭ hety momant pravodziać abśledavańnie. Pierad pierapynkam sudździa zadavoliła chadajnictva pra zaprašeńnie pierakładčyka.
11.10 Kala sudu znachodzicca kala 50 čałaviek, skandujuć «Žyvie Biełaruś!». Taksama la budynku bahata milicyjanataŭ, u tym liku ŭ cyvilnym. Aktyvistaŭ papiaredžvajuć pra adkaznaść za ŭdzieł u niesankcyjanavanym pikietavańni.
11.25 Da budynku sudu padjechała mašyna chutkaj dapamohi.
11.55 Medyki pastanavili, što praces možna praciahvać, choć i zafiksavali vysoki cisk u Fińkieviča.
Spadar Artur zajaviŭ u jakaści śviedki Juliju Daraškievič.
12.15 Fińkievič nazvaŭ svaju spravu palityčnaj i pryznaŭ vinu častkova.
13.25 Niechta z vakolnych damoŭ uklučyŭ na vialikuju hučnaść biełaruskuju muzyku. Hrupa padtrymki Fińkieviča pasłuchała «Tavaryša Maŭzera», «N.R.M.», inšyja hurty j pryniałasia znoŭ vyhukvać lozunhi «Žyvie Biełaruś!», «Uładu — narodu, moładzi — svabodu» i inš. Ciapier pryjechali majory milicyi j razmaŭlajuć z aktyvistami pad nahladam aperataraŭ u cyvilnym.
13.45 U pracesie abjaŭleny techničny pierapynak.
Da hetaha času adbyvaŭsia dopyt Fińkieviča.
15:40 Dopyt śviedkaŭ padychodzić da zaviaršeńnia.
16:15 Śviedki dapytanyja (kalehi pa pracy, načalstva pa pracy i pa kamendatury, Julija Daraškievič), sud znajomicca z materyjałami spravy.
16:34 Abvieščany 15-cichvilinny pierapynak. Paśla čaho musiać pačacca sudovyja sprečki.
16:45 Pravaabaroncy, žurnalisty nastrojeny skieptyčna. U apraŭdalny prysud mała chto vieryć, bolšaść sychodziacca na dumcy, što Arturu daduć hod-paŭtara.
17:21 Prakuror Ciapłova patrabuje dać Arturu 2 hady źniavoleńnia. Źmiakčajučych abstavin jana nia bačyć.
17:46 Advakat Rybałka paprasiła dać Arturu minimalnaje pakarańnie (šeść miesiacaŭ źniavoleńnia), uličvajučy źmiakčajučyja abstaviny i dobryja charaktarystyki chłopca.
Abvieščany 10-chvilinny pierapynak. Paśla budzie apošniaje słova Artura - i, mahčyma, prysud.
Nastroj usich pesymistyčny, maładafrontaŭki, jakija znachodziacca ŭ sudzie, nia mohuć strymać śloz.
18.15 Apošniaje słova Artura Fińkieviča:
"Pierad vyniasieńniem prysudu prašu ŭličyć toje, što ja častkova pryznaŭ svaju vinu. Prašu ŭličyć pieraduziataje staŭleńnie da mianie ŭ kamendatury i praz heta moj ułasny nervovy stan. Ja pryznaju, što časam vioŭ siabie nie zusim taktoŭna i pravilna. Prašu taksama ŭličyć, što ŭ mianie jość mama i babula, jakim treba dapamahać. Prašu Vysoki sud pakarać mianie maksimalna miakkim pakarańniem -- šaściu miesiacami źniavoleńnia".
19:27Sudździa Natalla Kraškina prysudziła Artura Fińkieviča da 1,5 hodu kałonii zvyčajnaha režymu. Ludzi sustreli prysud słovami "Hańba!" i "Artur, my z taboj". Pakarańnie jon budzie adbyvać adzin hod šeść miesiacaŭ i piatnaccać dzion. Termin pačynajecca adličvajecca ad 26 kastryčnika. Ciaham 10 dzion rašeńnie možna abskardzić u abłasnym sudzie, u advarotnym vypadku praz 20 dzion A. Fińkievič budzie etapavany ŭ kaloniju. Pakul ža jon budzie znachodzicca ŭ śledčaj turmie.
Artur vyhladaŭ vielmi pryhniečana i padavaŭsia mocna chvorym.
Paśla vyniasieńnia prysudu Pavał Sieviaryniec zajaviŭ, što 28 śniežnia adbudziecca pasiedžańnie arhkamitetu pa vyzvaleńni Artura Fińkieviča. U pryvatnaści, jamu budzie źmienieny adkavat.
***
Fińkievič častkova pryznaŭ vinu pa vysunutych papiaredžańniach. U pryvatnaści, jany byli vyniesieny za toje, što
- 14 i 15 vieraśnia 2006 hodu Fińkievič biez dazvołu pakidaŭ bolnicu, u jakoj znachodziŭsia.
- 6 studzienia 2007 hodu spaźniŭsia na 13 chvilin z adpačynku. Spaźnieńnie patłumačyŭ tym, što trapiŭ u zator, kali jechaŭ na taksoŭcy ŭ kamendaturu.
- 16 lutaha 2007 hodu spaźniŭsia na 40 chvilin z adpačynku i byŭ napadpitku. Fińkievič pryznaŭsia, što sapraŭdy ŭžyŭ 3 plaški piva.
- 3 žniŭnia 2007 hodu źjaviŭsia ŭ kamendatury pjanym. Fińkievič skazaŭ, što vypiŭ 2/3 flakonu lekaŭ «Navapasit», kab supakoić nervy.
- 22 kastryčnika spaźniŭsia na pracu na budoŭlu. Rastłumačyŭ spaźnieńnie tym, što byŭ u paliklinicy, dzie zdavaŭ analiz mačy. Jaho i ŭ toj raz zavieźli na narkalahičnuju eksertyzu j vyjavili ŭtrymańnie alkaholu. Fińkievič skazaŭ, što piŭ toj samy «Navapasit» i jašče nastojku hłohu. Piŭ, kab supakoicca.
Fińkievič zajaviŭ, što ŭ dačynieńni da jaho čynicca presinh i cisk, i nazvaŭ spravu palityčnaj.
Pa zakančeńni pierapynku pačniecca dopyt śviedkaŭ.
14.00 Pačaŭsia dopyt śviedkaŭ
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary