Ciapier kantralor moža tolki paprasić «zajca» pakinuć transpart abo skłaści na jaho pratakoł, kali bieźbiletnik pahodzicca. Specyjalnych aŭtobusaŭ ź milicyjaj i kantralorami na prypynkach bolš nia budzie.
Jak stała viadoma Jeŭraradyjo, Minsktrans nie praciahnuŭ kantrakt ź milicyjaj. Ciapier kantralor moža tolki paprasić «zajca» pakinuć transpart abo skłaści na jaho pratakoł, kali bieźbiletnik pahodzicca. Śpiecyjalnych aŭtobusaŭ ź milicyjaj i kantralorami na prypynkach bolš nie budzie.
Pra heta Jeŭraradyjo paviedamiła načalnik finansava‑ekanamičnaha ŭpraŭleńnia «Minsktransu» Hanna Michajłoŭskaja:
«U nas była damova z MUS, i my pryciahvali milicyju dla kantrolu. Ale hetaja damova była skasavanaja. Jany skazali, što heta nie taja funkcyja, jakuju jany pavinny vykonvać, u milicyi inšaja praca. Tamu na ciapierašni čas u nas heta praktyka adsutničaje».«A kantralor maje prava zatrymlivać bieźbiletnika biez supracoŭnika milicyi?»
«Nie, nie maje. Jon moža tolki skłaści pratakoł. A tak… Jak jon moža zatrymać bieźbiletnika?»
«A kali, naprykład, čałaviek nie zapłaciŭ za prajezd, zajšoŭ kantralor, ale bieźbiletnik admaŭlajecca płacić štraf abo vychodzić. Što moža zrabić kantralor u takoj situacyi?»
«Rukaprykładstva zabaroniena. Jon maje prava paprasić taho čałavieka, kab jon pakinuŭ sałon biez apłaty. Vysadzić siłaj kantralor nie moža. Užyvać siłu zabaraniajecca, ale zapatrabavać vyjści jon pavinien».
Hanna Michajłoŭskaja taksama paviedamiła, što lhotnyja tałony, jakija zastalisia na składach, mahčyma, paźniej buduć pieraštampavanyja i trapiać u prodaž.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary