Źmicier Bandarenka: «Vykazvańni staršyni KDB usialajuć u mianie aptymizm»
Hetak kaardynatar «Chartyi'97» Źmicier Bandarenka prakamentavaŭ zajavu Jurja Žadobina z nahody dziejnaści apazicyi.
«Vykazvańni staršyni KDB usialajuć u mianie aptymizm», – zajaviŭ kaardynatar Chartyi'97 Źmicier Bandarenka, kamientujučy zajavu Juryja Žadobina z nahody dziejnaści apazicyi.
«U svoj čas śpiecsłužby 15-miljonnaj Čechasłavakii aceńvali svaju apazicyju ŭ 50 «destruktyŭnych elemientaŭ», u jakich było 500 «spačuvajučych». Heta nie pieraškodziła čechasłavackim dysidentam arhanizavać «aksamitavuju revalucyju». Biełaruskija śpiecsłužby ličać, što ŭ nas 1767 aktyŭnych apazicyjanieraŭ. Nu, i peŭna značna bolš tych, chto spačuvaje», – adznačyŭ Bandarenka.
Kaardynatar Chartyi'97 zhodny z hienierałam Žadobinym, što bolšaść apazicyjanieraŭ nie zmahajucca za ŭładu. «Jany vajujuć za svabodu i niezaležnaść svajoj krainy. I, viadoma, pahroza nacyjanalnaj biaśpiecy (u hetym ja taksama padtrymlivaju staršyniu KDB) zychodzić nie ad apazicyi, a ad łukašenkaŭskich słužboŭcaŭ, jakija ŭvachodziać u «čornyja śpisy» Jeŭraźviaza i Złučanych Štataŭ Amieryki. Jak viadoma, tudy ŭvachodziać ludzi, padazravanyja ŭ palityčnych zabojstvach, žorstkich razhonach mirnych demanstracyj, falsifikacyi vynikaŭ vybaraŭ», – zajaviŭ Bandarenka.
Nahadajem, što staršynia Kamiteta dziaržaŭnaj biaśpieki Jury Žadobin na svajoj pieršaj pres-kanfierencyi na novaj pasadzie zahavaryŭ pra apazicyju. Adrapartavaŭšy pra pajmańnie zamiežnych špijonaŭ, jon zajaviŭ, što apazicyju viedaje pajmienna i ŭ jaje ŭvachodzić 1767 "destruktyŭnych elemientaŭ", ale nijakaj pahrozy nacyjanalnaj biaśpiecy jany nie niasuć.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary