Rasieja abvinavaciła ŭ špijanažy i vydvaryła eks-deputata łatvijskaha Sojma Alaksieja Chołastava.
Jak paviedamlajecca ŭ siužecie rasijskaha telekanała NTV, Chołastaŭ pryznaŭsia ŭ tym, što jon źjaŭlajecca ahientam łatvijskich śpiecsłužbaŭ.
«Ja, Alaksiej Chołastaŭ, rasiejec, hramadzianin Łatvii, dva sklikańni byŭ deputatam łatvijskaha parłamienta. Na terytoryi Rasii znachodžusia pa zadańni śpiecsłužbaŭ Łatvii, jakija dziejničajuć pad kiraŭnictvam CRU», — zajaviŭ jon u siužecie, pakazanym u niadzielu.
Ahient pad psieŭdanimam «Hłoryja» — jak śćviardžaje FSB, jon u hetym pryznaŭsia, — byŭ zavierbavany 7—8 hadoŭ tamu supracoŭnikami palicyi biaśpieki MUS Łatvii.
Jak paviedamlajecca, Chołastava «złavili», kali jon «rychtavaŭ hlebu» dla viarboŭki aficera FSB Rasii, ź jakim byŭ znajomy raniej.
Zhodna z telesiužetam, było pryniata rašeńnie prosta vysłać jaho z Rasii.
Chołastaŭ u Łatvii ŭznačalvaŭ maładziožnuju arhanizacyju partyi «Centr zhody», što abapirajecca na rasiejskamoŭnych vybarcaŭ. Jon taksama byŭ siabrom praŭleńnia hramadska-palityčnaha ruchu «Patryjoty», mieŭ šyrokija suviazi ŭ palityčnych i hramadskich kołach.
U Chołastova byŭ biznes-prajekt pad Jurmałaj — pasiołak pad nazvaj «SSSR». Tam pradavali nieruchomaść dla zamožnych haściej z Rasii — biznesoŭcaŭ, zorak šou-biźniesu, paviedamlajuć łatvijskija ŚMI.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary