Pryčyny dźvie — padzieńnie rasijskaha rubla i nieŭradžaj na hrečku.
Choć ułady Rasii dakazvali, što nieŭradžaju hrečki niama, u kramach nazirajecca ažyjatažny popyt, a ceny padskočyli, u niekatorych rehijonach navat udvaja.
U Ałtajskim krai — asnoŭnym rehijonie vyroščvańnia hrečki ŭ Rasii — uradžaj akazaŭsia na čverć nižejšy za letašni z pryčyny drennaha nadvorja ŭvosieni. Heta vykluča źnižeńnie prapanovy. Plus da taho padzieńnie rasijskaha rubla na 40% za hod spryjaje rostu cenaŭ.
U vyniku cana hrečki ŭ kramach vyrasła z 30 da 45 rasijskich rubloŭ, a ŭ niekatorych rehijonach dasiahnuła 70—100 rubloŭ, paviedamlajuć rasijskija ŚMI.
Rost cenaŭ zakranie i Biełaruś. Choć naša kraina ŭ apošnija hady vyroščvaje ŭsio bolš hetaj kultury, i krupy vyrabu Skidzielskaha i Homielskaha kambinataŭ chlebapraduktaŭ zajmajuć vialikuju častku rynku, častku hreckich krupaŭ Biełaruś impartuje z Rasii i Kitaja.
U apošni hod hrečka kaštavała ŭ Biełarusi stabilna mienš čym 10 tysiač za pakiet.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary