Pra heta kiraŭnik Rasii Uładzimir Pucin zajaviŭ u intervju niamieckamu kanału ARD, paviedamlaje TASS.
«Ciapier na ŭschodzie Ukrainy adbyvajucca bajavyja dziejańni. Centralnyja ŭłady Ukrainy pasłali tudy vojski, užyvajuć navat balistyčnyja rakiety. Chto-niebudź pra heta havoryć? — źviarnuŭsia jon da svajho surazmoŭcy. — Ni słova». «Heta što značyć? Heta pra što kaža? Heta śviedčyć ab tym, što vy chočacie, kab centralnyja ŭłady Ukrainy ŭsich tam źniščyli, usich svaich palityčnych praciŭnikaŭ i apanientaŭ?
Vy hetaha chočacie? My nie chočam. I nie dazvolim», — skazaŭ na zakančeńnie kiraŭnik dziaržavy.
«Adkul u ich i braniatechnika, i artyleryjskija sistemy?», — spytaŭ Pucin žurnalista, jaki paprasiŭ prakamientavać zajavu Kijeva, što Rasija nibyta «padtrymlivaje sieparatystaŭ», nakiroŭvajučy va Ukrainu ŭzbrajeńnie.
«U sučasnym śviecie ludzi, jakija viaduć baraćbu i jakija ličać hetuju baraćbu spraviadlivaj dla siabie ź ich punktu hledžańnia, zaŭsiody znojduć ŭzbrajeńnie», - adkazaŭ prezident Rasii.
Pavodle jaho słoŭ, dasiahnutaje ŭ Minsku pahadnieńnie stała mahčyma «tolki tamu, što my, Rasija, aktyŭna ŭklučylisia ŭ hetuju pracu, praviali pracu i z apałčeńniem Danbasa, to bok paŭdniovaha ŭschodu Ukrainy, pierakanali ich u tym, što jany pavinny pajści na peŭnyja damoŭlenaści». «Kali b my hetaha nie rabili, hetaha b prosta nie adbyłosia», — adznačyŭ prezident RF
«Nu jak, kali ludzi sa svastykaj na rukavie chodziać? Ci na kaskach niekatorych bajavych padraździaleńniaŭ, jakija vajujuć zaraz na ŭschodzie Ukrainy, my bačym znaki SS?», —pieraličyŭ jon.
«Kali heta cyvilizavanaja dziaržava, ułady kudy hladziać? Choć by źniali hetuju uniformu, prymusili b nacyjanalistaŭ źniać hetyja znaki», — skazaŭ Pucin.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary