Na abnoŭlenych kartach Google u rajonie rasijska-ŭkrainskaj miažy možna znajści mnoha cikavaha. Błohier ravelin_by vykłaŭ u Livejournal hid pa «mirnych traktarach» i vynikach abstrełaŭ.
Zdymak, vykarystany na rasijskim telebačańni ŭ jakaści dokazu «abstrełu» ŭkrainskimi vajsuoŭcami źbitaha małazijskaha «Boinha», mierkavana byŭ uziaty z kart Google i «padpraŭleny» hrafičnym redaktaram. A što možna pabačyć na internet-kartach biez «fatašopa»?
Błohier ravelin_by prapanuje dla zručnaści spampavać prahramu Google Earth i admysłovy płast dla ich, dzie paznačanyja padazronaja technika, mierkavana vajskovyja łahiery i vyniki abstrełaŭ na rasijska-ŭkrainskaj miažy.
Naprykład, raspaviadaje błohier, na zdymku ad 1 žniŭnia možna pabačyć niejkuju techniku ŭ tym rajonie, adkul 23 lipienia rasijski sałdat pisaŭ «UKantakcie», jak «usiu noč dziaŭli pa Ŭkrainie». Da miažy adtul mieniej za 5 kiłamietraŭ.
Taksama na zdymku ad 16 lipienia jon zaŭvažaje vypalenuju ziamlu, padobnuju na śled ad reaktyŭnych sistem załpavaha ahnia. Ad hetaj kropki da miažy 760 mietraŭ.
Na inšym zdymku jon paznaje ŭ siłuetach samachodnyja artyleryjskija ŭstanoŭki.
Taksama błohier paznačaje rajony z varonkami ad abstrełaŭ na terytoryi Ŭkrainy, jakija źviazvaje z technikaj na terytoryi Rasii.
Akramia taho na kartach paznačanyja mierkavana vajennyja łahiery z rasijskaha boku miažy, prykładnyja pazicyi techniki, nie «złoŭlenaj» na zdymkach z kart Google i pazicyi padbitaj vajennaj techniki ŭzbrojenych sił Ukrainy. «Kali nakłaści viadomyja pazicyi na kartu bajoŭ 31 lipienia, to atrymlivajecca vielmi łahičnaja karcinka», — piša błohier.
«Kali takoje jość u Huhła, to što jość na zdymkach vajskovych spadarožnikaŭ?» — pytaje jon.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary