Sietka supiermarkietaŭ u Brytanii zrabiła kaladny rolik pra Pieršuju suśvietnuju
Brytanskaja handlovaja sietka Sainsbury's źniała da Kaladaŭ rolik, jaki pryśviečany tak zvanamu «Kaladnamu pieramirju» padčas Pieršaj suśvietnaj vajny.
7 śniežnia 1914 hoda Papa Bieniedykt ChV zaklikaŭ varahujučyja baki da pieramirja na čas kaladnych śviataŭ «chacia b u noč, kali śpiavajuć anioły».
Za tydzień da Rastva 1914 hoda ŭ mnohich miescach Zachodniaha fronta žaŭniery brytanskaj, niamieckaj i francuzskaj armij pačali stychijna vinšavać adzin adnoha sa śviatami dy śpiavać kaladnyja śpievy ŭ tranšejach.
24 i 25 śniežnia žaŭniery pačali sustrakacca na ničyjnaj ziamli pamiž akopami i abmieńvacca nievialikimi padarunkami — zvyčajna ježaj i tytuniem. Adnojčy brytanskija i niamieckija žaŭniery zładzili hulniu ŭ futboł.
Adbyłosia pieramirje i na niekatorych adrezkach frontu pamiž Rasijaj i Aŭstra-Vienhryjaj.
Šakaład, jaki brytanski žaŭnier padaravaŭ niemcu ŭ roliku Sainsbury's, budzie pradavacca ŭ supiermarkietach za 50 piensaŭ. Zbory pojduć na dapamohu brytanskim vieteranam.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary