Amierykanski baksior Majk Tajsan vykazaŭ žadańnie syhrać rolu Ateła ŭ ekranizacyi adnajmiennaj pjesy Šekśpira.
Pra heta jon zajaviŭ na cyrymonii ŭručeńnia štohadovaj muzyčnaj premii Soul Train Awards ŭ Łas-Viehasie. Pa słovach spartsmiena, jon pakul nie hatovy pracavać u teatry, ale chacieŭ by pasprabavać svaje siły na telebačańni.
«Ja nie viedaju, jakuju mienavita rolu ja chacieŭ by syhrać u Šekśpira, ale Ateła — heta vyklik. Rola składanaja, i mnie spatrebicca šmat čamu navučycca. Nieabchodna budzie pierš za ŭsio papracavać nad maŭleńniem», — skazaŭ Tajsan
Majk Tajsan źniaŭsia bolš čym u 55 filmach, telešou i sieryjałach. Va ŭsich karcinach jon hraŭ samoha siabie. Siarod samych viadomych rabot u kino i na telebačańni — «Jak ja sustreŭ vašu mamu», «Chłapiečnik u Viehasie» i «Roki Balboa».
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary