Pra heta kamandzir bataljona «Danbas» Siamion Siamienčanka napisaŭ na svajoj staroncy ŭ Facebook.
«Nazirajučy, jak nahniatajecca situacyja vakoł hatoŭnaści rasijskich vojskaŭ da nastupu, razumieješ što dalej dva varyjanty: abo ŭ paniadziełak-sieradu budzie novy Minsk [pieramovy na ŭmovach Rasii — NN] da čaho nas jak mahčyma rychtujuć) abo nastup. Vałodajučy infarmacyjaj schilajusia da pieršaha varyjantu. Choć nie Nostradamus», — napisaŭ jon.
«Na svaim učastku (bataljon Danbas i pieralik reformaŭ z ukazańniem terminaŭ dla kaalicyjnaha pahadnieńnia) ja hatovy. Zastałosia vyśvietlić ci hatovyja čynoŭniki, na jakich adkaznaść, za abarončyja zbudavańni. Druhi raz abvinavacić u svaich niedapracoŭkach mabilnyja telefony — nie vyjdzie. Kali zaraz nie pieramiaščajucca ź dzikaj chutkaściu ekskavatary i nie kapajucca tranšei, nie budujucca blindažy ŭ miescach dzie pakazana na karcie, to ŭ vypadku kali nie daj Boh — adkažacie nie prakuratury. Narodu. Hałavoj.
Čas jašče jość-kapajcie. Heta ŭsio što ad vas zaraz treba. Usio roŭna nie vam tam siadzieć».
Raniej prezident Piatro Parašenka zajaviŭ, što Ukraina hatova da poŭnamaštabnaj vajny z Rasijaj.
Pra heta prezident Ukrainy zajaviŭ u intervju niamieckaj haziecie Bild.
«My padrychtavalisia da scenara poŭnamaštabnaj vajny, — paviedamiŭ kiraŭnik ukrainskaj dziaržavy. — Ukrainskaja armija znachodzicca ŭ značna lepšym stanie, čym ŭsiaho piać miesiacaŭ tamu».
Prezident taksama padkreśliŭ, što ciapier Ukraina «bolš za ŭsio prahnie miru», ale, na žal, zaraz vymušanaja być hatovaja da najhoršych scenaroŭ.
Rada nacyjanalnaj biaśpieki i abarony Ukrainy apublikavała ŭ niadzielu źviestki ab tym, što prarasijskija bajeviki i rasijskija vojski ŭ zonie ATA rychtujucca da nastupu.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary