Šerah polskich dypłamataŭ buduć vydvaranyja z Rasii «za dziejnaść, niesumiaščalnuju ź ich statusam».
Pra heta havorycca ŭ kamientary departamienta infarmacyi i druku Ministerstva zamiežnych spraŭ Rasii.
U viedamstvie ŭdakładnili, što hetyja miery stali adkazam na vysyłku z Polščy rasijskich dypłamataŭ.
«Tak, na vialiki žal, polskija ŭłady sapraŭdy raspačali taki niedružalubny i ničym nieabhruntavany krok. U suviazi z hetym rasijskim bokam raspačatyja adekvatnyja miery ŭ adkaz», - padkreślili ŭ MZS.
U siaredzinie kastryčnika polskija ŚMI paviedamili ab płanach kiraŭnictva krainy vysłać rasijskich dypłamataŭ. U pryvatnaści, hazieta Rzeczpospolita pisała, što heta źviazana z zatrymańniem polskaha aficera, jaki padazrajecca ŭ špijanažy na karyść Rasii.
Taksama vydvaranyja z Polščy mohuć być nie tolki dypłamaty, ale i i niekalki rasijskich hramadzian, jakija žyvuć i pracujuć na terytoryi krainy.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary