Prezident Ukrainy Piotr Parašenka, jaki znachodzicca ŭ Słavakii, sustreŭsia ŭ niadzielu z udzielnikami samitu krain Vyšahradskaj čaćviorki — prezidentam Polščy Branisłavam Kamaroŭskim, lidaram Čechii Miłašam Ziemanam, kiraŭnikom Słavakii Andrejem Kiskam i prezidentam Vienhryi Janašam Aderam. Prezidenty krain V4 abmierkavali z kiraŭnikom Ukrainy situacyju ŭ jaho krainie i paabiacali jamu ŭsialakuju palityčnuju i ekanamičnuju padtrymku.
«Prezidenty Parašenka i Kamaroŭski 20 listapada razam naviedajuć Małdovu dla padtrymki jaje jeŭraintehracyi», — napisaŭ Cehałka ŭ svaim mikrabłohu ŭ Twitter.
Małdova ŭdzielničaje ŭ prahramie ES «Uschodniaje partniorstva», jakaja nakiravana na raźvićcio intehracyjnych suviaziaŭ Jeŭrasajuza jašče ź piaćciu respublikami byłoha SSSR: Ukrainaj, Azierbajdžanam, Armienijaj, Hruzijaj i Biełaruśsiu. U červieni biahučaha hoda Małdova, Ukraina i Hruzija adnačasova padpisali pahadnieńnie ab asacyjacyi ź ES.
Akramia taho, jak paviedamlajecca na sajcie ŭkrainskaha prezidenta, Parašenka zaprasiŭ Kamaroŭskaha naviedać Ukrainu ŭ pačatku nastupnaha hoda. Prezident Polščy zaprašeńnie pryniaŭ.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary