«Hod tamu va Ukrainie pačalisia padziei, jakija źmianili žyćcio kožnaha z nas. Spačatku heta nazvali Jeŭramajdanam, a potym my zrazumieli, što heta była Revalucyja Hodnaści», - havoryccca na staroncy Radyjo Roks — Ukraina ŭ Facebook.
«My pačynajem śpiecprajekt «Muzyka revalucyi Hodnaści», u jakim ŭspomnim pieśni, jakija dapamahli nam vystajać, i słovy, jakija nazaŭsiody zachavalisia ŭ našych sercach. Cłuchajcie pieśni, pad jakija źmianiałasia kraina i kožny z nas, z 17 da 28 listapada, a 11:30 i 17:30 [pavodle minskaha času] u śpiecprajekcie «Muzyka revalucyi Hodnaści» na Radio ROKS.
U jakaści muzyčnaj padkładki vykarystanyja zaraz try pieśni: «Ustavaj» «Okieana Jelzi», «Brat za brata» Kazak-sistem i «Voiny śvietu» «Lapisa Trubiackoha».
Padziei va Ukrainie pačalisia 21 listapada 2013 h. (heta byŭ čaćvier), kali niekalki sot čałaviek vyjšli na Majdan Niezaležnaści ŭ centry Kijeva,
pratestujučy suprać rašeńnia ŭkrainskaha ŭrada Mikałaja Azarava prypynić padrychtoŭku da padpisańnia pahadnieńnia ab asacyjacyi ź Jeŭrasajuzam.
Praz tydzień, 30 listapada, studencki pratest byŭ žorstka razahnany «Bierkutam», i na nastupny dzień, 1 śniežnia, na vulicy Kijeva vyjšli sotni tysiač čałaviek.
Simvalična, što va ŭhodki Jeŭramajdanu, 21 listapada, u Minsku z kancertam vystupić «Okiean Jelzi».
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary