Ministerstva justycyi Šviecyi dazvoliła ekstradycyju Volhi Kłaskoŭskaj u Biełaruś,
pra heta paviedamiła jaje maci Ludmiła Kłaskoŭskaja paśla telefonnaj razmovy z dačkoj.
Pra rašeńnie Miniusta Volha Kłaskoŭskaja była piśmova apavieščany ŭ turmie. Zaraz vyrašajucca techničnyja pytańni ekstradycyi, zabirać Volhu z šviedskaj turmy pryjdziecca pradstaŭnikam biełaruskich pravaachoŭnych orhanaŭ.
Pa słovach Ludmiły Kłaskoŭskaj, Miniust Šviecyi narešcie znajšoŭ «surjoznyja padstavy dla ekstradycyi, bo ŭ Biełarusi ŭ Volhi jość niepaŭnahadovaja dačka i maci». Ludmiła Kłaskoŭskaja taksama ŭpeŭnienaja, što na rašeńnie šviedskich uładaŭ akazali surjozny ŭpłyŭ nieadnarazovyja zvaroty da ich jaje, dački i Hienieralnaj prakuratury Biełarusi. «My nie damahlisia ŭ Šviecyi spraviadlivaści, ciapier usio ŭ rukach asabliva biełaruskich uładaŭ», - adznačyła maci Volhi.
Ludmiła Kłaskoŭskaja paviedamiła, što paśla viartańnia ŭ Biełaruś Volzie pryjdziecca peŭny čas znachodzicca ŭ SIZA, a Viarchoŭny sud pavinien budzie vyrašyć jaje dalejšy los — jaki termin i dzie adbyvać. Pry hetym, pa słovach maci, jość šaniec na ŭmoŭna-daterminovaje vyzvaleńnie.
Hramadzianka Biełarusi Volha Kłaskoŭskaja była zatrymanaja viasnoj 2013 hoda ŭ horadzie Chaninhu pa padazreńni ŭ zamachu na zabojstva byłoha muža. Da hetaha jana niekalki hadoŭ žyła ŭ Šviecyi.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary