Finskija ŭzbrojenyja siły pačali atrymlivać madernizavanyja bronietransparciory-amfibii Patria Pasi CHA-180, paviedamiła kampanija Patria, jakaja raspracoŭvała i pastaŭlała raniej hetyja ž mašyny.
Usiaho płanujecca, što ŭ miežach prahramy pa pavyšeńni mabilnaści finskaj armii za 2015—2017 hady buduć madernizavanyja jašče jak minimum 70 CHA-180. Dadatkova praduhledžajecca mahčymaść adpravić na zavody kampanii-vytvorcy 210 BTR.
6-kołavyja Patria Pasi byli raspracavanyja ŭ pačatku 1980-ch. Madernizavanyja mašyny atrymlivajuć padoŭžany resurs vykarystańnia, stali bolš biaśpiečnymi dla ekipažu ŭ vypadku avaryi, novyja elektryčnyja sistemy. Staryja kampanienty zamianiajucca ci ramantujucca.
BTR maje braniu ad 6 da 12 mm, uzbrojeny 12,7-milimietrovym kulamiotam. Ekipaž mašyny, jakaja atrymała dadatkovuju abaronu ad minaŭ, składajecca z dvuch čałaviek, jašče 16 čałaviek mohuć znachodzicca ŭ transpartnym adsieku. Chutkaść — bolš za 100 km/h pa ziamli, 10 km/h u vadzie.
CHA-180 stajać na ŭzbrajeńni Finlandyi, Estonii, Niderłandaŭ, Narviehii i Šviecyi. Dziasiatki mašyn uziatyja inšymi krainami ŭ lizinh dla vykarystańnia padčas miratvorčych apieracyj AAN.
Ciapier na ŭzbrajeńni Finlandyi taksama znachodziacca bolš sučasnyja šmatmetavyja kołavyja bajavyja mašyny Patria AMV, jakija byli raspracavanyja ŭ 2001 hodzie i atrymali lepšaje ŭzbrajeńnie i braniravańnie.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary