Navahodni fajerverk u stalicy pieranosicca z płoščy kala Nacyjanalnaj biblijateki da steły «Miensk — horad‑hieroj»
Pavodle jaho słoŭ, takoje rašeńnie było pryniata staršynioj harvykankama Michaiłam Paŭłavym pa prośbie kiraŭnictva minskaj milicyi «z metaj zabieśpiačeńnia hramadskaj biaśpieki». «My ŭličyli, što letaś byli prablemy ź pierapoŭnienaściu mietrapalitena, a da steły treba iści ad stancyi mietro «Niamiha» kala adnaho kiłamietra, što bolš biaśpiečna, čym blizkaje da biblijateki raźmiaščeńnie stancyi mietro «Uschod», — skazaŭ A.Najdzienka.
Fiejervierk pačniecca a 1.30 1 studzienia 2008 hoda i budzie doŭžycca 20 chvilin. Jaho tradycyjna arhanizuje firma «Kalvin» ź Dziaržynska (Minskaja vobłaść). Załpaŭ na navahodni fiejervierk budzie nie mienš, čym na śviacie horada (tady było zroblena bolš za piać tysiač załpaŭ i zraschodavana kala troch ton piratechničnaj pradukcyi).
Pavodle słoŭ načalnika adździeła pa kultury ŭpraŭleńnia kultury Minharvykankama Uładzimira Ancipoviča, usiaho ŭ stalicy projdzie kala 150 śviatočnych mierapryjemstvaŭ, hałoŭnaje ź jakich adbudziecca na placoŭcy pierad Nacyjanalnaj biblijatekaj. Tut u noč z 31 śniežnia na 1 studzienia budzie pakazana vialikaja šou‑prahrama z udziełam artystaŭ biełaruskaj estrady. Dniom tut ža projdzie dziciačaje śviata, a viečaram — maładziožnaja dyskateka.
U.Ancipovič taksama paviedamiŭ, što 31 śniežnia hramadski transpart Minska budzie pracavać da 3.00, mietrapaliten — da 2.30, a aŭtobusy, jakija padvoziać da hałoŭnych placovak haradskich mierapryjemstvaŭ, — usiu noč.
Pavodle słoŭ A.Najdzienki, čakajecca, što pahladzieć na fiejervierk pryjduć prykładna 200 tys. čałaviek. Stolki ž hledačoŭ, jak prahnazujecca, buduć nazirać za šou‑prahramaj kala Nacyjanalnaj biblijateki.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary