Adpaviednaje mižuradavaje pahadnieńnie padpisali siońnia ŭ Maskvie ministar finansaŭ Biełarusi Mikałaj Korbut i vice‑premjer, ministar finansaŭ Rasiei Alaksiej Kudryn.
Jak paviedamiŭ žurnalistam Alaksiej Kudryn, kredyt pradastaŭleny terminam na 15 hadoŭ ź piacihadovaj adterminoŭkaj płaciažoŭ. Pracentnaja staŭka kredytu vyznačana pa staŭcy Libor plus 0,75 pracenta hadavych. Pavodle słoŭ Alaksieja Kudryna, ciapier staŭka Libor składaje kala 5 pracentaŭ. «Staŭka kredytu rynačnaja, ale ŭ toj ža čas jana ŭličvaje isnujučyja ŭzajemaadnosiny pamiž Biełaruśsiu i Rasijaj u ramkach Sajuznaj dziaržavy», — skazaŭ jon. Alaksiej Kudryn taksama adznačyŭ, što pradastaŭleńniem kredytu Rasija padtrymała Biełaruś i vydała jaho na spryjalnych dla Biełarusi ŭmovach.
Jon acharaktaryzavaŭ pradastaŭleny kredyt jak stabilizacyjny. «Hetyja srodki dapamohuć zabiaśpiečyć tavarny abarot Biełarusi z Rasijaj i inšymi krainami», — skazaŭ ministr finansaŭ RF.
I Alaksiej Kudryn, i Mikałaj Korbut paćvierdzili, što srodki kredytu pastupiać u Biełaruś užo da 31 śniežnia biahučaha hoda.
U svaju čarhu ministr finansaŭ Biełarusi adznačyŭ, što nieabchodnaść atrymańnia kredytu vyklikana rostam cen na enierhanośbity. Jon padkreśliŭ, što srodki kredytu buduć vykarystoŭvacca «zychodziačy z pryrody ŭźniknieńnia nieabchodnaści ŭ im». Jon taksama zajaviŭ, što biełaruski bok svoječasova budzie pravodzić raźliki pa kredytu i pracentach.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary