Hetyja mierapryjemstvy źjaŭlajucca častkaj stvareńnia adzinaj elektronnaj sistemy achovy zdaroŭja krainy. U mnohich paliklinikach užo stvoranyja, u inšych stvarajucca elektronnyja ambułatornyja karty historyi chvaroby pacyjenta. Ich dublikaty na papiarovych nośbitach z metaj biaśpieki pakul zastanucca. Uviadzieńnie elektronnaha receptu «ŭpirajecca ŭ prablemu ŭviadzieńnia adzinaj elektronnaj kartki, adzinaj bazy i sistemy abarony infarmacyi», adznačyła śpiecyjalist.
Elektronnaja miedycynskaja karta stanie častkaj adzinaj kartki hramadzianina, jakaja budzie składacca ź miedycynskaj infarmacyi, rastłumačyŭ namieśnik hienieralnaha dyrektara pa navukovaj pracy Abjadnanaha instytuta prablem infarmatyki NANB Uładzimir Łapicki.
Pavodle jaho słoŭ, płanujecca, što na praciahu 2015 hoda ŭ krainie ŭ poŭnaj miery pačnie dziejničać elektronny podpis. U sistemie achovy zdaroŭja heta dazvolić nadać jurydyčnuju siłu elektronnamu dakumientu i budzie spryjać elektronnamu dakumientaabarotu pamiž ustanovami achovy zdaroŭja.
Pa stanie na 1 lipienia 2014 hoda ŭ cełym u Biełarusi 78,2% ustanoŭ achovy zdaroŭja abstalavanyja kampjutarami i majuć łakalnyja vyličalnyja sietki. Z ulikam taho, što poŭnaja infarmatyzacyja palikliniki patrabuje značnych finansavych raschodaŭ, u pieršuju čarhu stvarajucca takija klučavyja padsistemy i aŭtamatyzavanyja pracoŭnyja miescy, jak «Rehistratura», «Statystyka», «Dyspansieryzacyja» na bazie łakalnych vyličalnych sietak. Hetymi sistemami abstalavanyja ŭsie ŭstanovy achovy zdaroŭja.
Strymlivajuć raźvićcio elektronnaj achovy zdaroŭja abmiežavanyja finansavyja mahčymaści dla nabyćcia vyličalnaj techniki i prahramnaha zabieśpiačeńnia, stvareńnia łakalnych vyličalnych sietak va ŭstanovach i padklučeńnia da nadziejnych chutkasnych kanałaŭ suviazi.
Śpiecyjalisty taksama kanstatujuć niedachop kadraŭ pa infarmacyjnych technałohijach u arhanizacyjach achovy zdaroŭja, zdolnych na naležnym uzroŭni zajmacca pytańniami ŭkaranieńnia i zabieśpiačeńnia funkcyjanavańnia aŭtamatyzavanych infarmacyjnych sistem.
Ludmiła Žylevič adznačyła, što časta adsutničaje naležnaja matyvacyja ŭ dačynieńni da praviadzieńnia infarmatyzacyi ŭstanovy jak na ŭzroŭni kiraŭnika ŭstanovy, tak i na ŭzroŭni vykanaŭcaŭ. Prablemnymi źjaŭlajucca i pytańni infarmacyjnaj biaśpieki, adznačyła Žylevič.
Tak, u infarmacyjnych sistemach arhanizacyj achovy zdaroŭja apracoŭvajecca piersanalnaja infarmacyja, jakaja adnosicca da infarmacyi abmiežavanaha raspaŭsiudžvańnia. Adnak u achovie zdaroŭja jość tolki dźvie infarmacyjnyja sistemy, jakija atrymali atestat pa infarmacyjnaj biaśpiecy: infarmacyjnaja sistema RNPC nieŭrałohii i niejrachirurhii i respublikanskaja infarmacyjna-analityčnaja sistema pa miedekśpiertyzie i reabilitacyi invalidaŭ.
