Žanr: drama, mieładrama
Režysior: Majkł Chofman
U rolach: Mišel Monahan, Džejms Marsden, Luk Brejsi, Lijana Libierata, Džerałd MakRejni, Kerałajn Hudał, Kłark Piters, Siebaśćian Arsiełus.
ZŠA, 118 chv.
Amanda i Doŭsan sustrakajucca praz 20 hadoŭ z nahody śmierci ich ahulnaha siabra, jaki pakinuŭ im dom.
Jašče padletkami jany byli zakachanyja adzin u adnaho. Ciapier, kali za plačyma kožnaha ź ich lažyć cełaje žyćcio, jany ŭspaminajuć maładość i svaje byłyja pačućci.
Film zasnavany na adnajmiennym ramanie papularnaha amierykanskaha piśmieńnika Nikałasa Sparksa. Heta dziaviaty film, źniaty pa knihach aŭtara («Śpiašajsia lubić», 2002), «Dziońnik pamiaci» (2004), «Nočy ŭ Radancie» (2008), jaki pracuje ŭ žanry mieładramy i apisvaje tajamnicy losu i čałaviečych adnosinaŭ.
Siužet adnačasova raskryvaje dźvie linii: padziei ŭmoŭnaha našaha času i dvaccać hadoŭ tamu, kali Doŭsan i Amanda paznajomilisia i sustrakalisia. Linii ŭmieła pieraplecienyja miž saboj, i hladač pakrysie daviedajecca, jakija radaści i niaščaści pieražyli hałoŭnyja hieroi. Stužka maje śvietły, časam trahičny nastroj, schilaje da idei nakanavanaści. Niahladziačy na ahulnuju ślozavyciskalnaść siužeta, možna atrymać asałodu ad pryhožych kadraŭ pryrody i interjeraŭ, jakimi nasyčany film. Najpierš jon spadabajecca žanočaj aŭdytoryi.
Kamientary