Kiraŭnik samaabvieščanaj «Łuhanskaj narodnaj respubliki» (ŁNR) Ihar Płatnicki vyklikaŭ na duel prezidenta Ukrainy Piatra Parašenku, «kab pakłaści kaniec vajnie». Płatnicki prapanuje takim čynam vyznačyć pieramožcu ŭ supraćstajańni «apałčencaŭ» z Kijevam, kab skončyć uzbrojeny kanflikt.
«Davajcie pa prykładzie staražytnych słavianskich pravadyroŭ i słaŭnych kazackich atamanaŭ sydziemsia ŭ pajadynku. Chto pieramoža, toj i dyktuje supraćlehłamu boku svaje ŭmovy», — havorycca ŭ adkrytym liście Płatnickaha, adrasavanym Parašenku.
Płatnicki nie sumniavajecca ŭ svajoj pieramozie.
«Ja prapanavaŭ staražytny, staradaŭni zvyčaj, dzie Haspodź pakaraje niapravych», — skazaŭ lidar «ŁNR».
U toj ža čas jon zajaviŭ, što «nie ŭjaŭlaje» mahčymaści svajoj parazy. «My zaŭsiody kazali i śćviardžajem, što naša sprava pravaja i pieramoha budzie za nami — my heta dakazali raz, možam dakazać i ŭ druhi, ale znoŭ ža canoj śmierciaŭ mnohich ludziej i z našaha, i ź ich boku. Dyk navošta ž? Niachaj Piatro Alaksiejevič pralje choć raz svaju kroŭ i dakaža narodu, jaki jaho vybiraŭ, što jon, sapraŭdy, kiraŭnik, što jon zdolny ŭstać na abaronu svajho naroda navat koštam ułasnaha žyćcia», — zajaviŭ kiraŭnik ŁNR.
Kiraŭnik ŁNR prapanavaŭ prezidentu Ukrainy vybrać miesca praviadzieńnia dvuboju i daŭ jamu prava vybaru zbroi.
«Ja nie suprać pramoj tranślacyi na lubym telekanale, kali Vy paličycie heta mahčymym. Vybar miesca pajadynku i zbroi pakidaju za vami. Kožny bok maje prava pryvieści pa 10 naziralnikaŭ-siekundantaŭ i pa 10 pradstaŭnikoŭ ŚMI, kab pajadynak prajšoŭ sumlenna».
-
Na parłamienckich vybarach u Francyi pieramahajuć ultrapravyja z Maryn Lo Pen. Partyja Makrona treciaja
-
Hrošy na zabojstva rasijskaha lotčyka ŭ Ispanii, jaki pierahnaŭ va Ukrainu viertalot Mi-8, pieradali rasijskija dypłamaty
-
Pryčynaj pravału Bajdena na debatach moh stać čas, u jaki hetyja debaty pravodzilisia
Kamientary