Kampanija Google raspracavała prasunuty ałharytm raspaznavańnia vyjaŭ, jaki zdolny stvarać tekstavyja apisańni taho, što prahrama «bačyć».
Sistema, jakuju zapuściła Google, moža stvarać podpisy nakštałt «dva sabaki hulać na travie» ci «hrupa maładych ludziej hulaje ŭ fryśbi». Pošuk Google i raniej umieŭ paznavać Ejfielevu viežu ci Robierta Daŭni-małodšaha dy prapanoŭvać fota ź imi. Ale novaja technałohija nie prosta znachodzić padobnyja vyjavy i analizuje kantekst — ciapier raspaznajucca sami vobrazy na vyjavach.
Nieredka sistema robić pamyłki, jak nieznačnyja, tak i hrubyja.
Naprykład, zamiest dvuch «znojdzienych» na fota sabak moža być try, a ružovy matacykł moža akazacca davoli čyrvonym. Ale byvajuć i bolej składanyja vypadki: chłopčyka, jaki šepča niešta na vucha dziaŭčyncy, ałharytm raspaznaŭ jak mylnuju burbałku, a nalepki na darožnym znaku — jak ježu i pitvo.
Raspracoŭki sistemy praciahvajucca. Taki ałharytm moža spatrebicca jak u vypadku padpisvańnia vialikich masivaŭ fota, tak i dla pošukavaj vydačy.
Kamientary