Uładzimieru Charsiuku było 86 hadoŭ. Jon viadomy jak adzin z zasnavalnikaŭ BNF u Małarycie. U jaho doma źbiralisia demakratyčnyja aktyvisty z pačatku 1990-ch hadoŭ.
Akramia taho, Uładzimier Charsiuk viadomy jak dziejač ukrainskaha ruchu. Byŭ zasnavalnikam i staršynioj abjadnańnia ŭkraincaŭ «Prośvita» imia Tarasa Šaŭčenki na Bieraściejščynie. U 2009 hodzie z ruk prezydenta Ŭkrainy Viktara Juščanki jon atrymaŭ orden «Za zasłuhi» 3 stupieni.
Pra Ŭładzimiera Charsiuka ŭspaminaje pravaabaronca z Małaryty Ŭładzimier Malej:
«U časie Druhoj suśvietnaj vajny byŭ razam z maci nakiravany ŭ Niamieččynu na prymusovyja pracy. Paśla vajny viarnuŭsia ŭ Małarytu, dzie i pražyŭ usio žyćcio. Byŭ artystam, vystupaŭ u dramatyčnym teatry. I zaŭsiody jon prytrymlivaŭsia pohladaŭ niezaležnaści, maryŭ ab svabodnaj Biełarusi i Ŭkrainie. Šmat zajmaŭsia hramadzkaj dziejnaściu, abjadnoŭvaŭ ukrainskuju dyjasparu na Bieraściejščynie. U 1993 hodzie byŭ zasnavalnikam BNF u Małaryckim rajonie, jaho chata zaŭsiody była, tak by mović, ofisam, dzie my sustrakalisia ŭvieś čas.»
Uładzimier Charsiuk, uzhadvaje spadar Malej, byŭ i krajaznaŭcam, viedaŭ miascovyja pachavańni žaŭnieraŭ, da jaho pryjaždžali i ź Niamieččyny, i z Polščy, i ź Izrailu. Dobra viedaŭ niamieckuju, polskuju, ukrainskuju movy.
«My siabravali, ja jamu dapamahaŭ u spravie adkryćcia ŭkrainskaj škoły ŭ Małarycie. My nieadnarazova chadzili na pryjom da kiraŭnictva rajona, ale tak i nie ŭdałosia adkryć hetuju škołu,» — apaviadaje Ŭładzimier Malej.
Pra Ŭładzimiera Charsiuka ŭspaminaje kiraŭnik Małaryckaj supołki partyi BNF Piotar Andryjevič:
«Hety čałaviek vielmi pieražyvaŭ za biełaruskuju dziaržavu, nie miryŭsia z tym, jaki režym u Biełarusi, i publična pra heta vykazvaŭsia. Da kanca žyćcia jon zajmaŭsia partyjnaj dziejnaściu, u 90-ja hady ŭ jaho chacie prymali Zianona Paźniaka… Pražyŭ sumlennaje i hodnaje žyćcio i addaŭ usie svaje viedy na karyść narodu, ź jakim jon žyŭ…»
Pachavańnie Ŭładzimiera Charsiuka adbyłosia ŭ Małarycie 3 śniežnia.
Pasoł Sidarenka pakončyŭ z saboj, nie vytrymaŭ dopytaŭ KDB33
Pasoł Sidarenka pakončyŭ z saboj, nie vytrymaŭ dopytaŭ KDB
Krainy ES uzhadnili sankcyi ŭ dačynieńni da Biełarusi, kab zakryć samuju vialikuju ščylinu suprać Rasii1
Kamientary