Suśvietnyja ceny na naftu pačali prykmietna źnižacca z-za rašeńnia Irana pavialičyć naftavuju zdabyču. Pra heta ŭ sieradu, 10 śniežnia, paviedamlaje ahienctva Bloomberg.
Pa stanie na 09:05 pavodle maskoŭskaha času na mižkantynientalnaj f́jučarsavaj biržy ICE košt na barel naftu marki Brent z pastaŭkaj u studzieni dasiahnuła adznaki ŭ 66,14 dalara. Cana studzieńskich fjuaersaŭ na naftu hatunku WTI ŭpała da 63,09 dalara za barel.
Jak paviedamlaje ahienctva, padzieńnie cenaŭ źviazana z rašeńniem Irana pavialičyć naftavuju zdabyču.
Hałoŭny analityk ministerstva nafty Machamad Sadeh Miemaryn zajaviŭ, što kraina płanuje pavialičyć uzrovień naftavaj zdabyčy da 4,8 młn barelaŭ u dzień z-za ekanamičnych sankcyj. Ich ŭviali pa pryčynie raźvićcia ŭ Iranie jadziernaj prahramy.
Na dumku iranskaha ministerstva nafty, jak adznačaje Bloomberg, Arhanizacyi krain-eksparcioraŭ nafty (APIEK) nieabchodna budzie sklikać schod u pieršym kvartale 2015 u tym vypadku, kali ceny na naftu buduć praciahvać źnižacca. Minuły schod prajšoŭ u Vienie 27 listapada. Na im APIEK vyrašyła nie skaračać ŭzrovień naftavaj zdabyčy, što vyklikała rezki abvał naftavych cenaŭ.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža30
Kamientary