Forbes: Pucin asudžany na źviaržeńnie, ale jon nie sydzie mirna
U Rasii adbudziecca abo pieravarot, abo «kalarovaja revalucyja».
Uładzimir Pucin pamyliŭsia ŭ prahnozach adnosna anieksii Kryma, a kanflikt na ŭschodzie Ukrainy moža zaviaršycca jaho adchileńniem ad ułady.
Pra heta na staronkach Forbes piša Avi Temkin, jaki zaŭvažaje, što rasijski prezident pačaŭ kanfliktavać z Zachadam jašče da taho, jak jaho vojski zachapili Krym i zładzili vajnu ŭ Danbasie. Jon daŭ palityčny prytułak byłomu supracoŭniku śpiecsłužbaŭ ZŠA Edvardu Snoŭdenu i hetym samym nastroiŭ suprać siabie amierykanskuju palityčnuju i vajennuju elitu.
A reakcyja Pucina na źbivańnie avijałajniera «Boinh 777», u padzieńni jakoha jon abvinavaciŭ Ukrainu, tolki pahoršyła stanovišča jaho ŭžo padarvanaha aŭtarytetu.
«Pucin pamyłkova ličyŭ, što Zachad palityčna słaby, a ZŠA i prezidentu Baraku Abamu nie chapaje rašučaści i metanakiravanaści. Tamu amierykancy buduć tryvać lubyja ahresiŭnyja ŭčynki Rasii», - havorycca ŭ artykule.
Mienavita z-za niapravilnaj acenki situacyi rasijskaja ekanomika apynułasia pad ciskam i pahrozaj defołtu. Na dumku ahladalnika, Pucin bačyć Rasiju nie takoj, jakoj jana jość nasamreč. Pra heta śviedčyć imklivaje skaračeńnie ekanomiki krainy. Z-za finansavych ciažkaściej stanovicca vidavočnym raskoł u atačeńni prezidenta Rasii.
«Siłaviki i aliharchi supraćstajać adzin adnamu. Ale abodva łahiery razumiejuć, što Pucin byŭ aktyvam, jaki niekali ich uzbahačaŭ. A ciapier jon stanovicca strašnym ciažaram», - havorycca ŭ artykule.
Na dumku aŭtara, u bližejšy čas Rasija nablizicca da toj miažy, kali stanie zrazumieła, što ahresiŭnaja źniešniaja palityka Pucina tolki škodzić Rasii i adkidvaje jaje ŭ zmročny savieckaje minułaje.
«Usio heta chutčej za rana, čym pozna, pryviadzie da adchileńnia Pucina ad ułady. Heta adbudziecca albo šlacham pieravarotu ŭ ramkach dziejučaj sistemy ŭłady, abo šlacham» kalarovaj revalucyi», - piša ahladalnik.
U hety ž čas, jon dadaje, što režym Pucina naŭrad ci pahodzicca spakojna i mirna syści.
Rasijskamu prezidentu niama kudy biehčy.
Tamu jon moža vybrać vajnu. Nie vyklučana taksama, što Pucin pojdzie dalej za miežy Ukrainy i pačnie kanflikt u Bałtyi. U pryvatnaści, jon moža paŭtaryć krymski scenar u Estonii ŭ Narva.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža30
Kamientary