Damy koštam 500 tysiač dalaraŭ trapili pad znos u Minsku
Pryvatny siektar na skryžavańni praśpiektaŭ Žukava i Dziaržynskaha sprabujuć pradać inviestaram pad zabudovu.
Minski harvykankam prapanuje inviestaram zabudavać žyłymi damami pavyšanaj kamfortnaści pryvatny siektar u rajonie raźviazki praśpiektaŭŽukava i Dziaržynskaha.
Kvartał daŭno mierkavaŭsia pad znos, jaho žycharam zabaraniali razbudoŭvacca. U toj ža čas znos adkładaŭsia dziesiacihodździami, i ŭ vyniku ludzi dziesiacihodździami žyli biez vadapravodu i kanalizacyi.
Ahułam učastak u rajonie praśpiektaŭ Žukava i Dziaržynskaha, jaki čarhovy raz vystaŭlajuć na aŭkcyjon, zajmaje płošču 3,7 hiektara. Tut pad znos traplaje 37 žyłych i niežyłych budynkaŭ. Na vulicy Ščorsa płanujecca źnieści dom №43, na2-j vulicy Ščorsa — damy №20A, 33, 39, 41, na 1-j Ziemlamiernaj — №21, 23, 25, 27, 30/41, 32, 34, 36, 38, 40, 42, 44, 46, 48, 50, 52, 31, 33, 35, 37, 39, 41/26; na 2-j Ziemlamiernaj — №27, 29, 31, 33, 35, 37, 43, 47, 49, 51.
Na 2-j Ziemlamiernaj vulicy z draŭlanymi chatami susiedničajuć vialikija sučasnyja katedžy, jakija pradstaŭniki «Biełhipraziema» acanili ŭ sumu kala 500 tysiač dołaraŭ kožny.
Zrešty. ich haspadary spadziajucca, što novaja sproba znosu skončycca ničym, jak i papiarednija.
«Kali prychodzili acenščyki, jany skazali, što pakul robicca tolki acenka hetaha kvartała, kab znajści patencyjnaha inviestara, — raspaviadaje architektar, jaki pabudavaŭ svoj dvuchpaviarchovy dom z utulnym unutranym dvorykam dy nievialičkaj sažałkaj z załatymi rybkami jašče naprykancy 1990-ch. — Čatyry inviestary ŭžo admovilisia, bo zanadta darahoje zadavalnieńnie tut budavać. Tamu pakul razmova viadziecca tolki pra sprobu znajści inviestara, jaki acenić svaje ryzyki dy pažadaje zabudoŭvać. Tady ŭžo ź im možna budzie sudzicca nakont koštaŭ. Tak što, u pryncypie, ŭsio cyvilizavana… na žal».
Sumarny pamier vydatkaŭ na znos, adsialeńnie ludziej i hrašovuju kampiensacyju im składaje amal 56 miljardaŭ ($5,1 młn). Ale praktyka pakazvaje, što heta zanižanyja sumy, realna ludzi adsudziać bolš.
«Pažyŭšy tut 16 hadoŭ, ja ŭžo advyk ad hetych padjezdaŭ, raśpisanych liftoŭ i ŭsioj hetaj hidoty, — dzielicca płanami žychar 35-ha doma ŭ vypadku, kali inviestar usio ž źjavicca. — Chacia ŭ novych damach nibyta ničoha, ale my ŭžo pryzvyčailisia žyć asobna: mašynu zahnaŭ pad navies, jana staić, sabaku ŭ dvoryk vypuściŭ i nie treba z 20 paviercha jaje na šnuročku vieści. Tamu budu šukać učastak i budavacca na novym miescy».
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža30
Kamientary