Biełaruś i Jeŭrasajuz praciahvajuć abmiarkoŭvać pytańnie libieralizacyi vizavaha režymu.
Pieramoŭny praces pa libieralizacyi vizavaha režymu Biełarusi ź Jeŭrasajuzam pravodzić dastatkova składana. Pra heta zajaviła namieśnik ministra zamiežnych spraŭ Biełarusi Alena Kupčyna. Jana padkreśliła, što padobnyja pieramovy źjaŭlajucca «kanfidencyjnaj spravaj», tamu jana nie moža raspavieści pra šmatlikija detali — «kab nie naškodzić samomu pracesu».
«My zychodzim z taho (i heta naša pryncypovaja pazicyja), što pahadnieńnie ab spraščeńni vizavych pracedur pavinna hruntavacca na pryncypach raŭnapraŭja i niedyskryminacyi, anałahična z damovami Jeŭrapiejskaha sajuza ź inšymi krainami. Ale hałoŭnaja meta hetaha pahadnieńnia pavinna być u tym, kab maksimalna spraścić vydaču viz hramadzianam, u pieršuju čarhu Respubliki Biełaruś, i hramadzianam Jeŭrapiejskaha Cajuza, jakich my vitajem zaŭsiody na našaj ziamli».
Treci raŭnd kansultacyj pamiž Biełaruśsiu i Jeŭrasajuzam pra zaklučeńnie pahadnieńniaŭ ab spraščeńni vizavaha režymu i readmisii projdzie ŭ Minsku ŭ studzieni-lutym 2015 hoda. Druhi raŭnd prajšoŭ 24—25 listapada ŭ Brusieli. Alena Kupčyna adznačaje, što na im baki ŭzhadnili pałažeńni, jakija raniej vyklikali pytańni.
Na siońniašni dzień Biełaruś — adzinaja kraina «Uschodniaha partniorstva», hramadzianie jakoj płaciać za šenhienskuju vizu nie 35, a 60 jeŭra.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža30
Kamientary