Wargaming: Zychod ź biržy nie adabjecca na finansavych pakaźnikach
Akcyi kampanii Wargaming mohuć być vyklučanyja z kaciravalnaha śpisu Kiprskaj fondavaj biržy, paviedamili ŭčora «Viedomosti». Paźniej u haziecie źjaviŭsia kamientar pradstaŭnika Wargaming.
Prysutnaść na Kiprskaj biržy stvarała pole dla dalejšych patencyjnych apieracyj na rynku, rastłumačyŭ «Viedomostiam» vice-prezident pa hłabalnym markietynhu Wargaming Mikałaj Niebyšyniec.
Pavodle jaho słoŭ, Wargaming svaje zadačy na biržy vykanaŭ, nabyŭ rysy mižnarodnaj kampanii i stvaryŭ reputacyju pavažanaha hulca na rynku finansavych instrumientaŭ i kapitału.
«Prysutnaść na biržy nie adpaviadaje stratehičnamu viektaru raźvićcia Wargaming i tamu niemetazhodna», -- zajaviŭ pradstaŭnik kampanii. Pavodle jaho słoŭ, zychod ź biržy nijak nie adabjecca na finansavych pakaźnikach Wargaming.
Da taho ž, mety vyvodzić kampaniju na IPO (rabić pieršasnaje publičnaje raźmiaščeńnie akcyj, kab jany byli dastupnyja lubomu achvočamu pakupniku pa ćviordaj canie) u Wargaming nikoli nie było, śćviardžaje jon.
Maštabaŭ Kiprskaj fondavaj biržy ŭžo niedastatkova dla taho, kab abjektyŭna aceńvać pakazčyki Wargaming.
Pa źviestkach za krasavik 2013 hoda u svabodnym abarocie znachodzicca pryblizna 2% akcyj kampanii. Astatnimi vałodajuć zasnavalnik i hiendyrektar Viktar Kisły, jaho baćka i dva inšyja top-mieniedžary kampanii.
* * *
Rada Kiprskaj biržy paprasiła Kamisiju pa kaštoŭnych papierach Kipra dazvolić pravieści delistynh akcyj raspracoŭščykaŭ World of Tanks. Kampanija Wargaming nie vykonvaje šerah patrabavańniaŭ biržy, siarod jakich publikacyja finansavych spravazdač. Apošni raz Wargming publikavała finansavyja spravazdačy ŭ žniŭni 2013 hoda.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža30
Kamientary