Biełaruś zakryvaje svajo dypłamatyčnaje pradstaŭnictva ŭ Livii. Pra heta skazana ŭ pastanovie Saŭmina № 1137 ad 4 śniežnia, paviedamlaje pres-słužba ŭrada. U dakumiencie skazana, što ambasada pavinna być zakrytaja da 31 śniežnia hetaha hoda.
Hetaja infarmacyja paćviardžajecca ŭ aficyjnym zapisie MZS Biełarusi ŭ tvitary. Tam adznačajecca, što zakryćcio ambasady vyklikana eskałacyjaj ŭ Livii ŭnutranaha ŭzbrojenaha kanfliktu. «Hramadzianie, jakija znachodziacca ŭ Livii, pry nieabchodnaści pavinny źviartacca ŭ najbližejšyja dypmisii Biełarusi i Rasii (Jehipiet, Tunis)», — adznačajuć u MZS.
Nahadajem, palityčnyja hrupoŭki, a taksama ŭzbrojenyja atrady, jakija admaŭlajucca razzbrojvacca paśla źviaržeńnia režymu pałkoŭnika Muamara Kadafi, viaduć mižusobnuju vajnu za ŭładu ŭ Livii.
Asnoŭnaje supraćstajańnie razharnułasia pamiž libieralnymi siłami, jakija padtrymlivaje armija, i pradstaŭnikami isłamskich partyj, jakich padtrymlivajuć hrupoŭki byłych paŭstancaŭ. Sa žniŭnia biahučaha hoda stalica Livii znachodzicca pad kantrolem isłamistaŭ. Tam ža zasiadaje imi Usieahulny nacyjanalny kanhres — były časovy parłamient respubliki, jaki straciŭ lehitymnaść. Na ich baku taksama vystupaje samaabvieščany kabiniet ministraŭ Amara al-Chasi. U supraćvahu im na ŭschodzie krainy ŭ horadzie Tobruk mieścicca štab-kvatera pryznanaj suśvietnaj supolnaściu Pałaty pradstaŭnikoŭ (pastajannaha parłamienta) i ŭrada Abdały at-Tani.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža30
Kamientary