Žurnalist Alaksandr Alesin vyzvaleny pad padpisku ab niavyjeździe ź SIZA KDB. Pra heta napisała ŭ svaim Facebook žurnalist Alena Jakžyk.
Pra zatrymańnie žurnalista haziety «Biełorusy i rynok», vajskovaha ekśpierta Alaksandra Alesina stała viadoma ŭ čaćvier 4 śniežnia, choć, pa infarmacyi «Našaj Nivy», Alaksandr Alesin byŭ zatrymany jašče 25 listapada ŭ kaviarni ŭ centry Minska. Razam ź im u kafe znachodziŭsia zamiežny dypłamat.
U paniadziełak, 8 śniežnia, sa słoŭ dački žurnalista Volhi, stała viadoma, što sp. Alesinu vystaŭlenaje abvinavačańnie pa artykule 356 «Zdrada dziaržavie» i 356 častka 1 «Vydača dziaržaŭnaj tajny zamiežnaj dziaržavie, zamiežnaj arhanizacyi ci pradstaŭniku, albo špijanaž».
Pavodle hetaha artykułu praduhledžana źniavoleńnie na termin ad 7 da 15 hadoŭ.
Razam z Alesinym, pavodle słovaŭ Volhi, abvinavačańnie było vysunutaje suprać dypłamata adnoj z krain. Ale jon nie znachodzicca ŭ źniavoleńni, bo abaronieny dypłamatyčnym imunitetam.
«Nam paviedamili, što baćka nie źjaŭlajecca asnoŭnym fihurantam spravy», — skazała tady Volha «Našaj Nivie». Tady ž jana vykazała mierkavańnie, što baćku vyzvalać pad padpisku ab niavyjeździe pa stanie zdaroŭja.
Vyzvaleńnie Alesina pad padpisku, najchutčej, aznačaje, što nijakich faktaŭ jahonaj viny niama. Hetaksama raniej vyzvalili ksiandza Łazara — sprava nie pajšła ŭ sud.
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža30
Kamientary