Uładzimirskaja vobłaść, Rasija, fota Ilji Varłamava
68% rasijanaŭ nazyvajuć Rasiju vialikaj dziaržavaj, a 77% nasielnictva ŭpeŭnieny ŭ tym, što Rasija stanie kvitniejučaj krainaj tolki za košt svajoj samabytnaści, ruchajučysia svaim admysłovym, adroznym ad zachodniaha šlacham.
Pra heta śviedčać vyniki apytańnia «Levada-centra».
12% respandentaŭ ličać, što pośpiech čakaje Rasiju, tolki kali kraina pojdzie pa šlachu, abranamu krainami Zachadu.
Na pytańnie, što ŭvachodzić u paniaćcie «vialikaja dziaržava», 60% respandentaŭ adkazali «vysoki dabrabyt hramadzian» i «ekanamičny i pramysłovy patencyjał krainy».
Na pytańnie, ci važna dla ich asabista, što dumajuć pra Rasiju na Zachadzie, admoŭna adkazali 50% apytanych. 46% rasijanaŭ pryznalisia, što im heta važna.
Za «dalejšaje pašyreńnie ekanamičnych, palityčnych, kulturnych suviaziaŭ» z Zachadam vykazalisia 57% respandentaŭ. Skaračać suviazi i addalacca ad krain Zachadu ličać nieabchodnym 30% apytanych.
Adnosiny pamiž Rasijaj i krainami Zachadu istotna pahoršylisia paśla sakavickaj anieksii Kryma Rasijaj.
