Hramadskaha aktyvista, lidara «Alternaty» Aleha Korbana, jakoha siońnia zatrymali dla adbyćcia 10-sutkavaha aryštu «za žnivień» (vyviešvańnie bieł-čyrvona-biełaha ściaha ŭ Dziaržynsku) adpuścili ź milicyi.
Pra heta jon sam napisaŭ u svaim fejsbuku
«Chm, pratrymali 4 hadziny ŭ milicyi i adpuścili. Pavinny byli dastavić u CIP [centr izalacyi pravaparušalnikaŭ na Akreścina], za mnoj 10 sutak jašče žniŭnia, ale adpuścili. Akazvajecca na CIPie niama svabodnych miescaŭ. Dziažurny ŭ RAUS raźvioŭ rukami, skazaŭ, kab ja čakaŭ novaha sihnału ad učastkovaha, na dniach… Takaja voś historyja, idu dadomu», — napisaŭ Korban.
na fota Aleh Korban (u centry) z paplečnikam 26.07.2013 vyviešvajuć nacyjanalny ściah kala ŭniviermaha «Biełaruś» da 23-ch uhodkaŭ pryniaćcia Dekłaracyi ab dziaržaŭnym suvierenitecie. Fota Siarhieja Hudzilina.
