Biełaruski film «My, braty», raniej viadomy jak «Aviel», vyjdzie ŭ minski prakat u krasaviku 2015 hoda, pieradaje BieŁTA.
«Premjera nacyjanalnaha kinaprajektu adbudziecca adnačasova z suśvietnaj premjeraj, — kaža dyrektar UP «Kinavideaprakat» Vasil Koktyš.
Film «My, braty», płanujecca da pakazu 18 krasavika».
Film «My, braty» — najbujniejšy prajekt biełaruskaj pryvatnaj kampanii. Biudžet stužki składaje 2 młn dalaraŭ. Kampanija Nonstop Media pieramahła ŭ konkursie Ministerstva kultury na stvareńnie nacyjanalnaha kinaprajektu, praśviečanaha padziejam najnoŭšaj historyi.
Režysior filma — Uiljam de Vital, raniej viadomy parievažna jak kaskadzior i pastanoŭščyk trukaŭ. Hałoŭnyja roli vykanali Nataša Alem (amierykanskaja aktorka rodam z Taškienta, zorka časopisaŭ Playboy i Maxim), Jaŭhien Hmarłoŭski, Eryk Robierts, Seli Kiorkłand dy mnostva biełarukich i rasijskich aktoraŭ.
Film naradziŭ kryłatuju frazu «čto-to nie tak». Padčas zdymak u Minsku na płoščy Niezaležnaści, dzie imitavaŭsia šturm Domu Uradu, udzielnikam masoŭki zabaranili kryčać «Žyvie Biełaruś!» — pryjšłosia vydumlać novy łozunh.
U lutym 2014 hoda ŭ sieciva niby «ŭciok» scenar stužki, ale pradziusar filma nie pryznaje jaho sapraŭdnaść.
Čytajcie taksama: Siarhiej Ždanovič, pradziusar filma «Aviel»: Treba ž lubić svajo — biełaruskaje!
Jak mučyli Cila Švajhiera i centry haradoŭ, kab stvaryć karcinku dla sudzimaha za machlarstva prateže Dźmitryja Baskava12
Kamientary