Nacbank uvioŭ 30%-uju kamisiju za kuplu valuty

Faktyčny kurs prodažu dalara ŭ abmieńnikach vyraście, imavierna, da 14 000 — 15 000 rubloŭ, jeŭra — da 17 000 — 18 000. Rašeńniem Nacbanka ŭviedzieny 30%-ny zbor za prodaž valuty fizičnym i jurydyčnym asobam.

Kamisija budzie pieraličvacca ŭ biudžet.

Takim čynam, aficyjny kurs nibyta zastaniecca raniejšym, ale dla nasielnictva i biznesu adbyłasia «časovaja» 30%-naja devalvacyja.

Fota Iryny Arachoŭskaj.

Z tekstu pres-reliza Nacbanka vynikaje, što kamisija budzie spłačvacca tolki pry kupli valuty. Zdavać dalary ŭ banki prapanujecca pa raniejšym kursie — kala 11 000 rubloŭ za dalar.

Pavialičyć

* * *

Ab rašeńniach Urada i Nacyjanalnaha banka pa niedapuščeńni raźvićcia niehatyŭnych tendencyj na finansavym rynku.

«Zychodziačy ź situacyi, jakaja składvajecca ŭ ekanomikach sumiežnych dziaržaŭ, i ŭ pieršuju čarhu — u Rasijskaj Fiederacyi, Uradam i Nacyjanalnym bankam Respubliki Biełaruś pryniaty šerah mier, nakiravanych na niedapuščeńnie raźvićcia niehatyŭnych tendencyj na valutnym i finansavym rynkach Respubliki Biełaruś i pavyšeńnie pryvabnaści źbieražeńniaŭ u biełaruskich rublach.

Nacyjanalnym bankam pavyšany da 50% hadavych pracentnyja staŭki pa pastajanna dastupnych i dvuchbakovych apieracyjach padtrymki likvidnaści bankaŭ. Heta, u svaju čarhu, pryviadzie da praparcyjnaha pavieličeńnia stavak pa depazitach u nacyjanalnaj valucie.

Usimi bujnymi biełaruskimi bankami ŭvodzicca terminovy harantavany aščadny ŭkład ź miechanizmam indeksacyi rublovych źbieražeńniaŭ pry źmienie abmiennaha kursu biełaruskaha rubla. Heta robić źbieražeńni ŭ nacyjanalnaj valucie abaronienymi ad kursavych ryzyk i padvysić ich pryvabnaść u paraŭnańni z zamiežnaj valutaj.

Z ulikam ŭzrosłaha popytu na zamiežnuju valutu na ŭnutranym valutnym rynku pryniata rašeńnie ab časovym uviadzieńni 30% zboru pry kupli valuty jurydyčnymi i fizičnymi asobami. Pradpryjemstvy i banki buduć vypłačvać dadzieny zbor pry nabyćci valuty na biržy, hramadzianie — u vyhladzie kamisii pry kupli ŭ bankach. Vypłačanyja srodki buduć nakiroŭvacca ŭ biudžet.

Pry hetym padychody da kursaŭtvareńni na ŭnutranym valutnym rynku zastanucca niaźmiennymi. Luby hramadzianin zmoža ździajśniać kuplu i prodaž valuty biez abmiežavańniaŭ, subjekty haspadarańnia — na Biełaruskaj valutna-fondavaj biržy. Ažyćciaŭleńnie apieracyj kupli-prodažu zamiežnaj valuty subjektami haspadarańnia - rezidentami Respubliki Biełaruś na pazabiržavym valutnym rynku časova prypyniajecca.

Akramia taho, z 19 śniežania 2014 da 50% pavialičvajecca norma abaviazkovaha prodažu pastupiłaj u krainu valutnaj vyručki.

Adnačasova stanoviacca bolš žorstkimi padychody da praviadzieńnia hrašova-kredytnaj palityki dla abmiežavańnia rostu hrašovaj masy i pavieličeńnia «koštu» hrošaj.

U pryvatnaści, bankam rekamiendavana nie dapuskać da 1 lutaha 2015 naroščvańnia kredytnaha partfiela ŭ biełaruskich rublach i nie ažyćciaŭlać źmianieńnie valuty hrašovych abaviazacielstvaŭ pazyčalnikaŭ pa kredytnych dahavorach.

Adnačasova pryniata rašeńnie ab nieprymianieńni da bankaŭ mier nahladnaha reahavańnia za nievykanańnie z 18 śniežnia 2014 da 1 studzienia 2015 patrabavańniaŭ pastanovy Praŭleńnia Nacyjanalnaha banka Respubliki Biełaruś ad 22 krasavika 2014 № 260 «Ab maksimalnym pamiery pracentnych stavak pa apieracyjach bankaŭ pa pradastaŭleńniu hrašovych srodkaŭ (kredytaŭ) jurydyčnym asobam — rezidentam Respubliki Biełaruś».

Pryniatyja miery daduć mahčymaść pavysić pryvabnaść źbieražeńniaŭ u biełaruskich rublach, zbałansavać valutny rynak va ŭmovach pavyšanaha popytu na zamiežnuju valutu i nie dapuścić rostu śpiekulatyŭnych nastrojaŭ».

• 0
• 0
• 0
• 0
• 0
• 0
• 0
• 0