U Biełarusi kožny čałaviek moža raźličvać na poŭnuju abjektyŭnaść i niezaležnaść dziaržorhanaŭ.
Ab hetym Alaksandr Łukašenka zajaviŭ 19 śniežnia, naviedvajučy Dziaržaŭny kamitet sudovych ekśpiertyz.
Łukašenka adznačyŭ, što, kali vydzielili Śledčy kamitet i zrabili jaho niezaležnym, źjaviłasia zdarovaja kankurencyja. «Ty vyjaviŭ pravaparušeńnie, sabraŭ dokazy, pravioŭ pieršasnaje rasśledavańnie i pieradaješ heta, kali ličyš patrebnym, śledčamu. Jon hladzić, nakolki abjektyŭna, niepraduziata i usioabdymna ty heta zrabiŭ. Kali nie — zabiraj dakumienty i idzi dapracoŭvać. Heta značyć źjaviłasia nie tolki abjektyŭnaść, źjaviłasia niezaležnaść u hetym pracesie».
«Nichto ž, navat z našaj apazicyi tak zvanaj, navat piataj kałony, słuchaŭku, pazvaniŭ — asudzili kahości. Nie dazvolena nikomu! Ja imhnienna budu prainfarmavany pa hetym pytańni. I mała nie padasca, - adznačyŭ kiraŭnik dziaržavy. Jon dadaŭ, što ŭmiešvajecca ŭ hety praces tolki ŭ płanie ŭzmacnieńnia adkaznaści niahodnikaŭ.
Kamientary