Hulnia Star Wars: Knights of the Old Republic vyjšła dla Android
Papularnaja rolevaja hulnia ŭ suśviecie «Zornych vojnaŭ», «Rycary Staroj Respubliki» ciapier dastupnaja dla smartfonaŭ na iOS i Android.
Jašče ŭ siaredzinie 2013 hoda «Rycary Staroj Respubliki», raspracavanaja dla Xbox i piersanalnych kampjutaraŭ u 2003 hodzie, vyjšła dla iPhone i iPad. Viersija dla Android źjaviłasia tolki praz paŭtary hady.
Android-viersija ŭ dva razy tańniej za iOS-viersiju: 5 dalaraŭ suprać 10.
«Rycary Staroj Respubliki» – rolevaja hulnia ad treciaj asoby. Praces hulni adbyvajecca ŭ realnym časie z aktyŭnaj paŭzaj, ale bai praličvajucca pakrokava pa sistemie D&D. Hulec traplaje ŭ «dalokuju-dalokuju hałaktyku» za 4 tysiačy hod da padziejaŭ kinaepapiei padčas kanfliktu Respubliki ź sitchami. Hulec moža pryniać jak śvietły, tak i ciomny bok Siły.
Mnohija vydańni nazvali «Rycaraŭ Staroj Respubliki» hulnioj hoda-2003.
Idei hulni siońnia praciahvaje ŭmoŭna-biaspłatnaja anłajn-RPG «Staraja Respublika», jakaja na žnivień 2014 hoda mieła bolš za miljon miesiačnaj aŭdytoryi.
Na płanšety i smartfony aficyjna pieraniesiena niamała kłasičnych videahulniaŭ z kampjutaraŭ i kansolaŭ: niekalki častak Grand Theft Auto (GTA III, Vice City, San Andreas), niekalki hulniaŭ sieryi Final Fantasy, Worms, Carmageddon, Baldur's Gate (pieršaja i druhaja častki), Bard's Tale, XCOM: Enemy Unknown, Syberia, Max Payne i i mnohija inšyja. Anansavany vychad Heroes of Might and Magic III dla płanšetaŭ. Z dapamohaj prahram-emulataraŭ možna zapuścić praktyčna ŭsie hulni dla kansolaŭ da piataha pakaleńnia (da pieršaj Sony Playstation).
Kamientary