«Ja nie raz padkreślivaŭ i siońnia paŭtaru: Biełaruś była i zastajecca viernaj sajuźnickamu abaviazku ŭ miežach Arhanizacyi Damovy ab kalektyŭnaj biaśpiecy. I pry hetym my nie pryjechali ŭ Maskvu z praciahnutaj rukoj niešta prasić naŭzamien čahości»,
— skazaŭ 23 śniežnia Alaksandr Łukašenka na sustrečy kiraŭnikoŭ dziaržaŭ—členaŭ ADKB, jakaja prajšła ŭ Maskvie.
Kiraŭnik Biełarusi ličyć, što krainy ADKB pavinny ćviorda i arhumientavana prasoŭvać na mižnarodnych placoŭkach ahulnuju pazicyju, što budzie pracavać na ŭmacavańnie aŭtarytetu arhanizacyi.
«Situacyja ŭ našych miežach jašče nikoli nie była hetak napružanaj i niebiaśpiečnaj. Maštabnyja ryzyki i vykliki patrabujuć skaardynavanaj palityki ŭsich nas».
Na dumku kiraŭnika biełaruskaj dziaržavy, u isnujučych umovach asnoŭnym srodkam vyrašeńnia kanfliktaŭ i źnižeńnia napružanaści ŭ adnosinach pavinny być pierš za ŭsio dypłamatyčnyja miery.
«Pašyreńnie palityčnaha ŭzajemadziejańnia z asnoŭnymi univiersalnymi i rehijanalnymi mižnarodnymi arhanizacyjami pavinna ŭvachodzić u lik pastajannych pryjarytetaŭ», — padkreśliŭ Alaksandr Łukašenka.
Kiraŭnik Biełarusi ličyć, što ADKB nieabchodna ŭdaskanalvać kalektyŭny siłavy patencyjał. Pry hetym jon adznačyŭ, što raźvićcio vajennaha składnika arhanizacyi nie pavinna razhladacca vyklučna jak stvareńnie jakich-niebudź novych jaje elemientaŭ. «U pieršuju čarhu varta praktyčna adpracoŭvać pytańni kiravańnia i ałharytmy prymianieńnia ŭžo isnujučych sił». Jon taksama dadaŭ, što ŭmacavańnie siłavoha patencyjału ADKB zachoŭvaje svaju pieršaradnuju važnaść.
Na dumku Łukašenki, pa miery pašyreńnia i raźvićcia ahulnaj ekanamičnaj prastory ŭ farmacie Jeŭrazijskaha ekanamičnaha sajuza, členski skład jakoha ŭžo praktyčna identyčny składu ADKB, uzrastaje važnaść abarony ekanamičnych intaresaŭ.
«Dla hetaha mohuć być vykarystany isnujučyja ŭ ADKB miechanizmy ŭzajemadziejańnia śpiecyjalnych i inšych słužbaŭ, zdolnyja stvaryć zasłon arhanizavanym złačynnym hrupoŭkam, jakija ŭžo siońnia sprabujuć znajści ščyliny i vykarystoŭvać novyja ekanamičnyja ŭmovy ŭ svaich złačynnych metach».
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary