Udzielniki samitu ADKB vystupili za vykanańnie minskich damoŭlenaściaŭ pa Ukrainie
Kab nie dapuścić uskładnieńnia situacyi ŭ krainie.
Kiraŭniki dziaržaŭ ADKB taksama vystupili za najchutčejšaje adnaŭleńnie miru va Ukrainie i naładžvańnie pieramoŭnaha pracesu pamiž usimi supraćbornymi bakami. Jak adznačajecca ŭ sumiesnaj zajavie, pryniataj udzielnikami samitu, nieabchodna ŭ tym liku pryniać ekstrannyja miery pa pieraadoleńni nastupstvaŭ humanitarnaj katastrofy.
«Asablivuju tryvohu vyklikajuć čałaviečyja trahiedyi, hibiel ludziej, u tym liku cyvilnaha nasielnictva», — havorycca ŭ zajavie.
«Miarkujem vielmi važnym nie dapuścić dalejšaha ŭskładnieńnia situacyi, vykazvać strymanaść, vykarystoŭvać vyklučna palityka-dypłamatyčnyja mietady ŭrehulavańnia kanfliktu».
U zajavie taksama padkreślivajecca nieabchodnaść niaŭchilnaha vykanańnia pałažeńniaŭ dahavora ab nieraspaŭsiudžvańni jadziernaj zbroi. Kiraŭniki krain ADKB zaklikali dziaržavy, jakija padpisali pratakoł ab harantyjach biaśpieki da pratakoła ab zonie svabodnaj ad jadziernaj zbroi ŭ Centralnaj Azii, da najchutčejšaj ratyfikacyi dakumienta.
«My, kiraŭniki dziaržaŭ—členaŭ ADKB, ličym adnym z najvažniejšych pryjarytetaŭ mižnarodnaj supolnaści vyzvaleńnie śvietu ad pahrozy, jakuju niasie zbroja masavaha źniščeńnia, uklučajučy jadziernuju. Dalejšyja kroki pa jadziernym razzbrajeńni patrabujuć padklučeńnia da hetych namahańniaŭ usich biez vyklučeńnia dziaržaŭ, jakija vałodajuć jadziernym patencyjałam», — havorycca ŭ zajavie.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym6
Kamientary