Napiaredadni Rastva Chrystova mitrapalit Mienski i Słucki Fiłaret, patryjaršy ekzarch usiaje Biełarusi źviarnuŭsia da kliru i pastvy Biełaruskaj pravasłaŭnaj carkvy z pasłańniem.
«U minułym hodzie ŭ jeparchijach Biełaruskaha ekzarchata adbyvalisia ŭračystaści ŭ honar 1015‑hodździa Pravasłaŭnaj Carkvy na Biełaj Rusi, — havorycca ŭ kaladnym pasłańni. — Nam rana padvodzić vyniki, tamu što my znachodzimsia jašče ŭ samym pačatku vielmi ciažkaha šlachu adnaŭleńnia Carkvy na našaj ziamli ŭ tym jaje značeńni i ŭ toj hodnaści, jakaja zapatrabavana šmatpakutnaj historyjaj našaha naroda».
«U siońniašnija vielmi niaprostyja časy na chryścijanach lažyć asablivaja adkaznaść za stan svaich sercaŭ i rozumaŭ, — zaznačaje ŭładyka Fiłaret. — My zaklikany nie tolki zachoŭvać pierad śvietam našu vieru ŭ Boha, ale i prajaŭlać hłybiniu svajho asabistaha davieru da Tvorcy. Nam naležyć nie pałochacca bujanstva stychij hetaha śvietu, a tym bolš zababonaŭ i pustych strachaŭ, — ale ŭ lubych abstavinach biez bojazi žyć i śviedčyć ab Hospadzie našym Isusie Chryście jak Zbaŭcy śvietu».
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary