Dziasiatki tysiač biełarusaŭ i tysiačy prapryjemstvaŭ paciarpieli ŭ vyniku najbujniejšaj u historyi krainy chakierskaj ataki.
Zaduma złamyśnikaŭ była davoli prostaja: ataku zaplanavali na vychodnyja, kali bolšaści specyjalistaŭ niama na pracy. Dla karystalnikaŭ heta vyhladała jak rezkaje zamarudžvańnie zahruzki staronak. Nastupstvy mahli być i bolš razburalnymi, kali b nie ŭmiašalnictva biełaruskich i rasiejskich specyjalistaŭ. Na toje, kab dać rady atacy, spatrebiłasia 4 hadziny.
Jury Zisier, hieneralny dyrektar internet‑partału Tut.by: «Mechanizm taki: z dapamohaj virusaŭ tysiačy kamputaraŭ pa ŭsim śviecie zambujucca, u peŭny momant im možna dać kamandu j jany pačynajuć dasyłać falšyvyja zapyty na zadadzieny server. Inakš kažučy, nas zamovili».
Viačasłaŭ Taljanaŭ, načalnik aŭtamatyzavanych system kiravańnia biełaruskaj firmy: «Jość tak zvanaja DOS‑ataka, zadosić mašynu, jak u ich nazyvajecca — heta jak atrymać medal na Alimpijskich hulniach. Toje ž samaje i ŭ chakieraŭ adbyvajecca. Kali, moža, i nie patrebnaja hetaja infarmacyja, ale sam fakt skazać: a voś ja zatakavaŭ i zadosiŭ Tut.by…»
Materyjalnuju škodu ad ataki jašče naležyć padličyć. Užo viadoma, što ŭ adnaho ź biełaruskich pradpryjemstvaŭ z‑za niepaładak u sietcy pad pahrozaj zryvu apynuŭsia kantrakt na miljony dalaraŭ. Kiraŭnictva internet‑partału maje namier padać zajavu va ŭpraŭleńnia «K» — heta padraździaleńnie MUS admysłova stvorana dla baraćby sa złačynstvami ŭ sfery vysokich technalohij.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary