U studzieni «Svabodny teatar» praviadzie try tydni na hastrolach u Ńju‑Jorku i Łos‑Andželesie. Taksama ŭ ZŠA płanujecca realizavać sumiesny pedahahičny prajekt z Kalifarnijskaj škołaj mastactvaŭ.
Pavodle jaho infarmacyi, u studzieni «Svabodny teatr» praviadzie try tydni na hastrolach u Ńju‑Jorku i Łos‑Andželesie. Taksama ŭ ZŠA płanujecca realizavać sumiesny piedahahičny prajekt z Kalifarnijskaj škołaj mastactvaŭ.
Teatr čakajuć trochtydniovyja hastroli ŭ Anhlii. U Łondanie i Lidsie kalektyŭ pakaža pastanoŭki «Być Haroldam Pinteram» i «Pakaleńnie Jeans». M.Chalezin zaznačyŭ, što budzie realizavany piedahahičny prajekt z Brytanskaj škołaj sceničnaj movy i dramaturhii: biełaruskamu teatru prapanavali pravieści tydniovy kurs sa studentami.
U krasaviku ŭ Sałonikach (Hrecyja) «Svabodnamu teatru» budzie ŭručana teatralnaja premija Jeŭropy. Pierad hetym kalektyŭ pakaža premjeru tryłohii «Zona maŭčańnia», a taksama śpiektakli «Być Haroldam Pinteram» i «Pakaleńnie Jeans».
Jak paviedamiŭ M.Chalezin, sioleta ŭ Minsku projdzie prezientacyja knihi pierakładaŭ pjes maładych dramaturhaŭ Biełarusi «Pakaleńnie Jeans», vydadzienaj «Svabodnym teatram». Kniha vyjšła na biełaruskaj movie ŭ pierakładzie prafiesara Andreja Kalady. U vydańnie ŭklučany pjesy Dzijany Bałyka, Paŭła Pražko, Kanstancina Ściešyka, Jany Rusakievič, Natalli Kalady, Mikałaja Chalezina i inš. «My adpravim pa piać asobnikaŭ knihi ŭ kožny biełaruski teatr, kab bolš nie było vykazvańniaŭ ab tym, što ŭ Biełarusi niama sučasnaj dramaturhii», — skazaŭ M.Chalezin.
«Svabodny teatr» byŭ stvorany dva z pałovaj hady tamu. Trupa nie maje ŭłasnaj sceny, pamiaškańnia dla repietycyj, finansavańnia, tamu śpiektakli «Svabodnaha teatra» ŭ Biełarusi prachodziać na roznych placoŭkach. Jak praviła, takija pakazy šyroka nie afišujucca.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary