Padatak na kuplu valuty admianiajecca z 8 studzienia
Z 8 studzienia admianiajecca padatak pry kupli valuty na Biełaruskaj valutna-fondavaj biržy.
Adpaviednaja pastanova Savieta ministraŭ № 5 ad 6 studzienia apublikavana ŭ noč na sieradu na Nacyjanalnym pravavym internet-partale.
Padatak u pamiery 30% byŭ uviedzieny 20 śniežnia minułaha hoda dla stabilizacyi situacyi na valutnym rynku. Ekśpierty nazvali heta schavanaj devalvacyjaj. Praź dzieviać dzion jon byŭ panižany da 20%, a 5 studzienia — da 10%. Pry hetym biržavy kurs dalara dvojčy pavialičvaŭsia na 7%, što dazvoliła zblizić aficyjnuju i najaŭnyja kaciroŭki.
Z hramadzian pry kupli najaŭnaj valuty ŭ adpaviednaści z pastanovaj Nacbanka spahaniaŭsia kamisijny zbor u anałahičnym pamiery.
Varta čakać, što jon taksama budzie admienieny z 8-ha albo z 9 studzienia, pry hetym na tarhach 8 studzienia kurs amierykanskaj valuty, chutčej za ŭsio, zraŭniajecca abo ŭščylnuju nablizicca da najaŭnych kacirovak.
(ad 13.400 da 13.600 rubloŭ pry kupli, ad 14.250 da 14.360 rubloŭ pry prodažy na viečar 6 studzienia).
Pa vynikach tarhoŭ 6 studzienia jon skłaŭ 12.800 rubloŭ (+60 u paraŭnańni z papiarednim dniom).
Pieršapačatkova mierkavałasia, što padatak budzie dziejničać da 1 lutaha, adnak pryznačany 27 śniežnia novy ŭrad i kiraŭnictva Nacbanka vyrašyła dziejničać chutčej, bo padatak niehatyŭna ŭpłyvaŭ na dziejnaść subjektaŭ haspadarańnia i de-fakta ŭstaloŭvaŭ množnaść kursaŭ.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary