U Minsku 1 sakavika na 15% pavialičycca staŭka adzinaha padatku dla fizasob i IP
U Minsku 1 sakavika na 15% pavialičycca staŭka adzinaha padatku dla fizičnych asob i indyvidualnych pradprymalnikaŭ, paviedamiła na pres-kanfierencyi 14 studzienia pieršy namieśnik načalnika staličnaj inśpiekcyi Ministerstva pa padatkach i zborach Nadzieja Bołdyrava.
«Staŭka pavialičvajecca ŭ zaležnaści ad vidu dziejnaści, dzieści bolš, dzieści mienš, ale ŭ siarednim na 15%», — adznačyła jana.
Bołdyrava nahadała, što dla fizičnych asob 1 studzienia 2015 hoda vyrasła staŭka padachodnaha padatku z 12 da 13%. Na 15—20% pavialičany zbor z kvaterazdatčykaŭ na doŭhi termin. Jana taksama nahadała, što fizičnyja asoby, abaviazanyja padavać dekłaracyi, pavinny da 1 sakavika padać dekłaracyju ab dachodach za 2014 hod i da 15 sakavika zapłacić padachodny padatak.
«U cełym padatkovyja orhany imknucca zachavać stabilnaść u padatkovym zakanadaŭstvie, kab nie było šarachańnia ŭ pracy taho ž buchhałtara. Kab rabotnikam pradpryjemstvaŭ było lohka vykonvać padatkovaje zakanadaŭstva, nie ŭdajučysia ŭ padrabiaznaści. Hetaja stabilnaść i nazirajecca ŭ pryncypie, a źmieny majuć chutčej karektavalny charaktar», — ličyć Bołdyrava.
Jana adznačyła, što zhodna sa źmienami ŭ Padatkovy kodeks, što nabyli moc 1 studzienia, uviedzienaja lhota pa PDK dla finansavańnia nabyćcia hramadzianami pradmietaŭ doŭhaha karystańnia ŭ lizinh. U miežach JEAES pryniataje rašeńnie ab elektronnym dekłaravańni PDK dla imparcioraŭ.
Miascovym orhanam dazvolena pry źbirańni padatku na nieruchomaść pavialičvać kaeficyjent z 2 da 2,5. Dla bankaŭ padatak na prybytak pavialičany z 18 da 25%, dadała Bołdyrava.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary