U Bortničach (mikrarajon Kijeva, Ukraina) u vadapravod trapili kanalizacyjnyja ścioki. Kolkaść paciarpiełych z-za zaražanaj vady dasiahnuła 97 čałaviek, siarod ich — 77 dziaciej.
Pra heta paviedamlaje pres-słužba Dziaržaŭnaj sanitarna-epidemijałahičnaj słužby Ukrainy.
«Praciahvajecca epidemijałahičnaje rasśledavańnie ŭspyški vostraj kišačnaj infiekcyi, jakaja ŭźnikła ŭ Darnickim rajonie h. Kijeva. Pa stanie na 14 studzienia 2015 hoda siarod žycharoŭ mikrarajona Bortničy zarehistravana 97 vypadkaŭ zachvorvańniaŭ, u tym liku 77 — siarod dziaciej», — havorycca ŭ paviedamleńni. Adznačajecca, što intensiŭnaść pastupleńnia chvorych u miedycynskija ŭstanovy pastupova źnižajecca.
U viedamstvie padkreślili, što dla papiaredžańnia dalejšaha raspaŭsiudžvańnia zachvorvańniaŭ na śvidravinach, ad jakich siłkujecca vadapravod, pravodzicca dezinfiekcyja. Pry hetym žycharam hetaha mikrarajona nie rekamiendujecca ŭžyvać dla pićcia i charčovych metaŭ vadu z vodapravoda da zaviaršeńnia prafiłaktyčnych i supraćepidemičnych mierapryjemstvaŭ. Dla hetaha žycharam arhanizavany padvoz pitnoj vady śpiecyjalizavanym aŭtatranspartam.
Pavodle dadzienych Dziaržaŭnaj sanitarna-epidemijałahičnaj słužby Ukrainy, pry praviadzieńni daśledavańnia probaŭ vady z ačahoŭ zachvorvańnia ŭstanoŭlena pieravyšeńnie narmatyvaŭ pa mikrabijałahičnych i sanitarna-chimičnych pakazčykach.
«Kijeŭvodakanał» vypłacić kampiensacyju tym, chto atruciŭsia vadoj. Pry hetym u SES zajavili, što ŭ Bortničach jakasnaja pitnaja vada źjavicca praz try miesiacy.
Ciapier čytajuć
Syn Siarhieja Bulby źbiraje hrošy ŭ Polščy, prydumaŭšy sabie bijahrafiju vieterana i palityčnaha ŭciekača24
Kamientary