Pałova biełarusaŭ maje hienietyčnuju mutacyju, što robić kureńnie asabliva niebiaśpiečnym
Zhodna z daśledavańniami biełaruskaha Instytutu hienietyki i cytałohii, 48% biełarusaŭ majuć hienietyčnuju mutacyju, što pahražaje kurcam ankałahičnymi i inšymi zachvorvańniami, piša SB.
U značnaj častki biełarusaŭ jość hienietyčnaja mutacyja, pry jakoj pierastaje pracavać hien hłutatyjantranśfieraza, jaki pieratvaraje škodnyja rečyvy, što ŭtvarajucca pry kureńni, u zručnyja dla vyviadzieńnia formy. Takim čynam, niebiaśpiečnyja rečyvy nazapašvajucca ŭ arhaniźmie i mohuć stać stymulatarami raznastajnych chvarob, u tym liku ankałahičnych.
Navuka jašče nie znajšła sposab vypravić hetkuju hienietyčnuju mutacyju.
Daśledavańni biełaruskich navukoŭcaŭ pakazali, što takuju mutacyju majuć 48% biełarusaŭ, a siarod pacyjentaŭ Minskaha ankałahičnaha dyspansieru z dyjahnazam «rak lohkaha» takaja mutacyja znajšłasia praktyčna ŭ kožnaha.
Z uzrostam u arhaniźmie nazapašvajucca roznyja škodnyja rečy. Da ankałohii pryvodziać 6-10 parušeńniaŭ u hienomie. Šturšok da chvaroby mohuć dać roznyja faktary. Kureńnie – adzin z hałoŭnych, ale nie adziny faktar.
Hetaja hienietyčnaja mutacyja robić niebiaśpiečnymi nie tolki tytuniovy dym, ale i inšyja ahresiŭnyja źniešnija ŭździejańni.
U Biełarusi rak lohkaha na pieršym miescy ŭ struktury ankałahičnych zachvorvańniaŭ i pa śmiertnaści ad ich. Chvaroba pastupova «maładzieje», sustrakajucca ŭžo chvoryja i ŭ 30-hadovym uzroście.
Biełaruś – nie adzinaja kraina, žycharam jakoj «paščaściła» mieć takuju mutacyju. U roznych krainach Jeŭropy ź joj žyvuć 42-50% ludziej.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ23
Kamientary